လံာ်လူၤကၣ် 24:39 - Sgaw Karen Common Bible

³⁹ ကွၢ်ယစုယခီၣ်တဖၣ်, ဒ်သိးသုကထံၣ်ဘၣ်လၢအမ့ၢ်ယၤ, ယနီၢ်ကစၢ်ဒၣ်ယဲန့ၣ်တက့ၢ်. ကလၢၢ်ကွၢ်ယၤ, ဒီးသုကသ့ၣ်ညါလီၤ. အဂ့ၢ်ဒ်အံၤ, တၢ်တဃၣ်န့ၣ်, တအိၣ်ဒီးအညၣ်ဒီးအဃံဒ်သုထံၣ်ဘၣ်သုဝဲလၢ အအိၣ်ဒီးယၤအသိးန့ၣ်ဘၣ်.”

လံာ်လူၤကၣ် 24:39 Iomraidhean Croise

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်လူၤကၣ် 23:46

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

လံာ်လူၤကၣ် 24:38

ဘၣ်ဆၣ်ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုသူၣ်ပျံၤသးဖုးလဲၣ်. ဘၣ်မနုၤအဃိတၢ်သးဒ့ဒီတဖၣ်အံၤဟဲအိၣ်ထီၣ်လၢသုပူၤလဲၣ်.

လံာ်လူၤကၣ် 24:40

အဝဲဒၣ်စံးတၢ်အံၤဝံၤဒီး, ဒုးနဲၣ်အဝဲသ့ၣ်လၢအစုအခီၣ်တဖၣ်န့ၣ်လီၤ.

လံာ်ယိၤဟၣ် 20:20

စံးတၢ်အံၤဝံၤဒီး, အဝဲဒုးနဲၣ်အဝဲသ့ၣ်တဖၣ်လၢအစုဒီးအကပၤ န့ၣ်လီၤ. အပျဲၢ်အဘီၣ်တဖၣ်သူၣ်ခုသးခုဝဲလၢအထံၣ်ဘၣ် ကစၢ်အဃိန့ၣ်လီၤ.

လံာ်ယိၤဟၣ် 20:25

လၢတၢ်န့ၣ်အဃိ, အပျဲၢ်အဘီၣ်အဂၤတဖၣ်စံးဘၣ်အီၤ, “ပထံၣ်ဘၣ်လံကစၢ်လံ.” စီၤသိၤမါစံးဘၣ်အဝဲသ့ၣ်, “မ့တမ့ၢ်ဘၣ်လၢယထံၣ်ဘၣ်ထးဆဲးဖျိအလီၢ်လၢ အစုလိၤဒီးကလၢၢ်ဘၣ်တၢ်ပူၤလီၢ်တဖၣ်န့ၣ်လၢယစုနၢ, ဒီးကလၢၢ်ဘၣ်အကပၤလၢယစုဘၣ်ဒီးယတနာ်ဘၣ်.”

လံာ်ယိၤဟၣ် 20:27

ဝံၤဒီးယ့ၣ်ၡူးစံးဘၣ်စီၤသိၤမါ, “ပာ်နစုနၢဖဲအံၤဒီးကွၢ်ယစု တဖၣ်အံၤတက့ၢ်. ဝံၤဒီးယူာ်ဃီၤနစုဒီးကလၢၢ်ကွၢ်ယကပၤ တက့ၢ်. ဆိကတီၢ်လၢနတၢ်သးဒ့ဒီဒီးနာ်တၢ်တက့ၢ်.”

မၤတၢ် 1:3

အဝဲဒၣ်တူၢ်သံအသးဒီးဂဲၤဆၢထၢၣ်သမူထီၣ်က့ၤဝံၤအလီၢ် ခံလၢအသီလွံၢ်ဆံအတီၢ်ပူၤန့ၣ်, လီၣ်ဖျါထီၣ်အသးတဘျုးဘျီလၢအပျဲၢ်အဘီၣ်တဖၣ်အမဲာ်ညါ ဒီးစံးဘၣ်တဲဘၣ်အဝဲသ့ၣ်ဘၣ်ဃးယွၤအဘီမုၢ်အဂ့ၢ်န့ၣ်လီၤ. အပျဲၢ်အဘီၣ်တဖၣ်ထံၣ်ဘၣ်အီၤဒီးအဝဲသ့ၣ်အသးတဒ့ဒီဘၣ် လၢအဝဲဒၣ်မူဝဲနီၢ်နီၢ်အဂ့ၢ်န့ၣ်ဘၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.