လံာ်လူၤကၣ် 24:38 - Sgaw Karen Common Bible

³⁸ ဘၣ်ဆၣ်ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုသူၣ်ပျံၤသးဖုးလဲၣ်. ဘၣ်မနုၤအဃိတၢ်သးဒ့ဒီတဖၣ်အံၤဟဲအိၣ်ထီၣ်လၢသုပူၤလဲၣ်.

လံာ်လူၤကၣ် 24:38 Iomraidhean Croise

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

လံာ်ဒၤနံးယ့လး 4:5

ဖဲယမံသပ့ၤဘၣ်ယသးအခါန့ၣ်ယအိၣ်ဒီးတၢ်မံမီၢ်ဒီးတၢ်ထံၣ် လၢညါခီတဖၣ်လၢအလီၤပျံၤလီၤဖုးဒိၣ်ဒိၣ်ကလဲာ်န့ၣ်လီၤ.

လံာ်မးသဲ 16:8

ယ့ၣ်ၡူးသ့ၣ်ညါဆိတၢ်လၢအဝဲသ့ၣ်ကတိၤသကိးဒီးစံး, “သုနာ်တၢ်စှၤမးလဲၣ်. ဘၣ်မနုၤလၢသုကတိၤသကိးဘၣ်ဃးဒီးသုကိၣ်တအိၣ်ဘၣ် အဂ့ၢ်န့ၣ်လဲၣ်.

လံာ်လူၤကၣ် 24:37

အဝဲသ့ၣ်ပျံၤတၢ်ဖုးတၢ်ဒိၣ်မးဒီးဆိကမိၣ်ဝဲလၢအထံၣ်ဘၣ်တၢ် တဃၣ်လီၤ.

လံာ်လူၤကၣ် 24:39

ကွၢ်ယစုယခီၣ်တဖၣ်, ဒ်သိးသုကထံၣ်ဘၣ်လၢအမ့ၢ်ယၤ, ယနီၢ်ကစၢ်ဒၣ်ယဲန့ၣ်တက့ၢ်. ကလၢၢ်ကွၢ်ယၤ, ဒီးသုကသ့ၣ်ညါလီၤ. အဂ့ၢ်ဒ်အံၤ, တၢ်တဃၣ်န့ၣ်, တအိၣ်ဒီးအညၣ်ဒီးအဃံဒ်သုထံၣ်ဘၣ်သုဝဲလၢ အအိၣ်ဒီးယၤအသိးန့ၣ်ဘၣ်.”

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.