လံာ်လူၤကၣ် 24:32 - Sgaw Karen Common Bible

³² အဝဲသ့ၣ်စံးလိာ်အသး, “ဖဲအဝဲဒၣ်ကတိၤတၢ်ဒီးပှၤလၢကျဲဒီး တဲနၢ်ပၢၢ်ပှၤဘၣ်ဃးတၢ်ကွဲးအသးစီဆှံတဖၣ်အဂ့ၢ်န့ၣ်, တၢ်မၤမးအသးဒ်မ့ၣ်အူအီၣ်တၢ်လၢပပူၤတမ့ၢ်ဘၣ်ဧါ.”

လံာ်လူၤကၣ် 24:32 Iomraidhean Croise

စံးထီၣ်ပတြၢၤ 104:34

မ်ယတၢ်ဆိကမိၣ်န့ၣ်ဘၣ်အသးတက့ၢ်. ဒီး, ယကသးခုလၢယွၤအပူၤလီၤ.

စံးထီၣ်ပတြၢၤ 39:3

မ့ၣ်အူကဲၤကဖးလၢယသးပူၤ, ဒီးဖဲယဆိကမိၣ်ထီၣ်တၢ်ဒီး မ့ၣ်အူကဲၤကပျီၤထီၣ်ဝဲန့ၣ်လီၤ. တုၤနုၤတစုယကတိၤထီၣ်ဖျဲးတၢ်လီၤ.

တၢ်ကတိၤဒိ. 27:17

ဒ်ထးကျ့အ့ၣ်အသးအသိးန့ၣ်, ပှၤမၤလိန့ၢ်တၢ်လၢတဂၤဒီးတဂၤ အအိၣ်လီၤ.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.