လံာ်လူၤကၣ် 24:28 - Sgaw Karen Common Bible

²⁸ ဖဲအဝဲသ့ၣ်ဟဲဘူးထီၣ်ဒီးသဝီလၢအကလဲၤဝဲန့ၣ်, ယ့ၣ်ၡူးမၤအသးဒ်အကလဲၤယံၤထီၣ်ဒံးဆူညါအသိးန့ၣ်လီၤ.

လံာ်လူၤကၣ် 24:28 Iomraidhean Croise

လံာ်တၢ်ကဲထီၣ်အခီၣ်ထံး 19:2

ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

လံာ်တၢ်ကဲထီၣ်အခီၣ်ထံး 42:7

ဒီးဖဲစီၤယိၤသးထံၣ်ဘၣ်အဒီပုၢ်ဝဲၢ်ခွါတဖၣ်န့ၣ်အဝဲသ့ၣ်ညါ အဝဲသ့ၣ်, ဘၣ်ဆၣ်ဒီးအဝဲပာ်မၤအသးဒ်တသ့ၣ်ညါအဝဲသ့ၣ်အသိးန့ၣ်လီၤ. အဝဲသံကွၢ်အဝဲသ့ၣ်လၢတၢ်ကတိၤဆူၣ်ဆူၣ်အပူၤ, “သုဟဲလၢလဲၣ်ခီလဲၣ်.” အဝဲသ့ၣ်စံးဆၢဝဲ, “ပဟဲလၢကီၢ်ကနၤဧၣ်ဒ်သိးပကပှ့ၤန့ၢ်တၢ် အီၣ်တၢ်အီလီၤ.”

လံာ်မၢ်ကူး 6:48

အဝဲထံၣ်စိဃီၤအပျဲၢ်အဘီၣ်တဖၣ်ဘၣ်ကၢၤချံဒီးဝၢ်ချံကီကီခဲ ခဲမ့ၢ်လၢကလံၤတလိၤအဃိန့ၣ်လီၤ. ဒီးဘၣ်ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးဟးဝဲလၢပီၣ်လဲၣ်ထံဖံးခိၣ်ဒီးလဲၤဝဲဆူအဝဲသ့ၣ် အအိၣ်မၤအသးဒ်အကလဲၤပူၤကွံာ်အဝဲသ့ၣ်လီၤ.

လံာ်လူၤကၣ် 24:29

ဘၣ်ဆၣ်, အဝဲသ့ၣ်တြီအီၤဒီးစံးဝဲ, “အိၣ်ဒီးပှၤတက့ၢ်. ဘူးတ့ၢ်လံလၢမုၢ်ကဟါဝဲဒီးတၢ်ခံးလီၤဝဲလံ. လၢတၢ်န့ၣ်အဃိအဝဲဒၣ်လဲၤနုာ်အိၣ်ဒီးအဝဲသ့ၣ်လီၤ.