လံာ်လူၤကၣ် 24:27 - Sgaw Karen Common Bible

²⁷ ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်လူၤကၣ် 24:27 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယၡါယၤ 9:1

ကျဲလၢအဝဲသ့ၣ်ကထူၣ်ဖျဲးထီၣ်ဝဲလၢတၢ်ကီတၢ်ခဲအဆၢ ကတီၢ်အံၤန့ၣ်တအိၣ်နီတဘိဘၣ်. တဘျီန့ၣ်စဘူလိၣ်ဒီးနးသၤလံအဒူၣ်တဖၣ်အကီၢ်ဘၣ်တၢ် မၤမဲာ်ဆှးအီၤ, ဘၣ်ဆၣ်ဒီးခါဆူညါကဟဲစိာ်တၢ်လၤကပီၤ ဆူတၢ်လီၢ်တပူၤအံၤ, စးထီၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အမုၢ်ထီၣ်တကပၤဆူထံကီၢ်လၢထံကျိယၢ်ဒ့ၣ်အတခီပၤ, ဒီးတုၤဒၣ်လဲာ်ဆူပီၣ်လဲၣ်ကၤလံၤ လါဖဲပှၤတခီဘီမုၢ်ဖိတဖၣ်အိၣ်ဆိးဝဲန့ၣ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်မံကၤ 5:6

အဝဲသ့ၣ်ကမၤနၢၤကွံာ်ကီၢ်အၤၡူၢ် လၢအမ့ၢ်စီၤနံးမရိးအကီၢ်ခီဖျိတၢ်စုကဝဲၤအဂံၢ်အဘါ ဒီးကမၤပူၤဖျဲးပှၤလၢပှၤအၤၡူၢ်ဖိတဖၣ်အစုပူၤဖဲ အဟဲနုာ်ဒုးပကီၢ်အခါန့ၣ်လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်တၢ်ဂံၢ် 21:14

လၢတၢ်န့ၣ်အဃိယွၤအတၢ်ဒုးတၢ်ယၤတဖၣ်အလံာ်စံးလၢတၢ်န့ၣ် အဂ့ၢ်စံးဝဲ, “ဝ့ၢ်ဝာ်ဟ့ာ်လၢကီၢ်စူာ်အလီၢ်ကဝီၤပူၤဒီးတၢ်တြီၤတဖၣ်, ထံကျိအၢ်နိၣ်,

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်လူၤကၣ် 24:25

တုၤနုၤတစုယ့ၣ်ၡူးစံးဘၣ်အဝဲသ့ၣ်, “ပှၤသူၣ်တဆးသးတဆး သ့ၣ်ဧၢ, သုကစူၢ်ကနာ်တၢ်ခဲလၢာ်လၢဝံတဖၣ်စံးတ့ၢ်ဝဲန့ၣ် ကီမးလဲၣ်.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 12:41

ဝံယၡါယၤစံးတၢ်အံၤမ့ၢ်လၢအဝဲထံၣ်ဘၣ်ယ့ၣ်ၡူးအလၤကပီၤ အဃိစံးကတိၤဝဲအဂ့ၢ်အကျိၤန့ၣ်လီၤ.

လံာ်ယိၤဟၣ် 5:37

ဒီးပၢ်လၢအမၢလီၤယၤန့ၣ်အုၣ်စ့ၢ်ကီးအသးလၢယဂီၢ်လီၤ. သုတနၢ်ဟူဘၣ်အကလုၢ်ဒီးထံၣ်ဘၣ်အမဲာ်နီတဘျီဘၣ်.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

မၤတၢ် 3:18

တၢ်လၢကစၢ်ယွၤကတိၤဆိပာ်တ့ၢ်ဝဲခီဖျိဝံခဲလၢာ်လၢခရံာ် ကဘၣ်တူၢ်တၢ်နးတၢ်ဖှီၣ်န့ၣ်, ဒုးလၢထီၣ်ပှဲၤထီၣ်ဝဲလၢကျဲဒ်အံၤလီၤ.

မၤတၢ် 3:22

အဂ့ၢ်ဒ်အံၤ, စီၤမိၤၡ့စံးဝဲ ‘ကစၢ်ယွၤသုကစၢ်ကဒုးအိၣ်ထီၣ်ဝံတဂၤဟဲဆူသုအိၣ်ဒ်အမၢလီၤ ယၤအသိးန့ၣ်လီၤ. ဝံအဝဲန့ၣ်ကမ့ၢ်သုပှၤကလုာ်ဒၣ်သုဝဲ, ဒီးသုကဘၣ်စူၢ်အကလုၢ်ကိးထံၣ်ကိးဘီဒဲးန့ၣ်လီၤ.

မၤတၢ် 3:24

ဒီးဝံခဲလၢာ်လၢအအိၣ်ဒီးယွၤအတၢ်ကစီၣ်, စးထီၣ်လၢစီၤၡမူၤအ့လးဒီးဝံဟဲလၢအဝဲဒၣ်အလီၢ်ခံ တဖၣ်ဘိးဘၣ်သ့ၣ်ညါဆိပာ်စ့ၢ်ကီးတၢ်လၢအမၤအသးလၢမုၢ် မဆါတနံၤအံၤတဖၣ်အဂ့ၢ်န့ၣ်လီၤ.

မၤတၢ် 7:37

စီၤမိၤၡ့မ့ၢ်ပှၤလၢအစံးဘၣ်ပှၤအံၣ်စရ့လးဖိတဖၣ်, ‘ကစၢ်ယွၤကမၢလီၤဝံတဂၤလၢအကဟဲဆူသုအိၣ်, ဒ်အမၢလီၤယၤအသိး, ဒီးအဝဲဒၣ်ကမ့ၢ်ပှၤလၢ သုပှၤကလုာ်ဒၣ်ဝဲအကျါတဂၤလီၤ.’

မၤတၢ် 8:35

အန့ၣ်ဒီးစီၤဖံလံးပူးကတိၤထီၣ်တၢ်စးထီၣ်လၢတၢ်ကွဲး အသးတတီၤအံၤဝံၤ, စံးဘၣ်တဲဘၣ်အီၤလၢတၢ်သးခုအကစီၣ်ဘၣ်ဃး ယ့ၣ်ၡူးန့ၣ်လီၤ.

လံာ်သိၣ်လီၤသီလီၤတၢ် 1:45

မၤသးဒ်န့ၣ်ဒီးသုကိးထီၣ်တၢ်ဆူယွၤအအိၣ်လၢတၢ်မၤစၢၤအဂီၢ်လီၤ. ဘၣ်ဆၣ်ဒီးအဝဲတဒိကနၣ်သုမ့ၢ်ဂ့ၤ, တကနၣ်ဃုာ်သုမ့ၢ်ဂ့ၤနီတမံၤဘၣ်.

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.