လံာ်လူၤကၣ် 24:26 - Sgaw Karen Common Bible

²⁶ မ့ၢ်အလီၢ်တအိၣ်လၢခရံာ်ကတူၢ်တၢ်သ့ၣ်တဖၣ်အံၤ, ဒီးနုာ်လီၤဆူအတၢ်လၤကပီၤအပူၤဘၣ်ဧါ.”

လံာ်လူၤကၣ် 24:26 Iomraidhean Croise

လံာ်တၢ်ကဲထီၣ်အခီၣ်ထံး 22:6

စီၤအၤဘြၤဟၣ်ပာ်ထီၣ်သ့ၣ်မုၣ်လၢတၢ်လုၢ်တၢ်ပာ်အဂီၢ်န့ၣ်လၢစီၤ အံၤစဲးအလိၤဒီးအနီၢ်ကစၢ်ဒၣ်ဝဲစိာ်ဒီတဘ့ၣ်ဒီးမ့ၣ်အူအ့ၣ် လၢကစးထီၣ်မ့ၣ်အူအဂီၢ်န့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

လံာ်လူၤကၣ် 24:7

‘ပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဆူပှၤတၢ်ဒဲးဘးဖိတဖၣ် အစုပူၤ, ကဘၣ်တၢ်ပျၤထီအီၤလၢထူၣ်စုညါအလိၤ, ဒီးကဂဲၤဆၢထၢၣ်သမူထီၣ်က့ၤဝဲဖဲသၢသီတသီန့ၣ်လီၤ.’ ”

လံာ်ယိၤဟၣ် 2:22

မၤသးဒ်န့ၣ်ဒီး, ဖဲအဝဲဘၣ်တၢ်ဒုးဂဲၤဆၢထၢၣ်သမူထီၣ်က့ၤ အီၤလၢတၢ်သံန့ၣ်, အပျဲၢ်အဘီၣ်တဖၣ်သ့ၣ်နီၣ်ထီၣ်က့ၤလၢအဝဲကတိၤ တ့ၢ်တၢ်အံၤ, ဒီးအဝဲသ့ၣ်စူၢ်က့ၤနာ်က့ၤယွၤကလုၢ်ကထါ ဒီးတၢ်လၢယ့ၣ်ၡူးကတိၤတ့ၢ်ဝဲန့ၣ်လီၤ.

လံာ်ယိၤဟၣ် 20:9

(အန့ၣ်ဒၣ်လဲာ်, တၢ်ကွဲးအသးလၢအစံးဝဲလၢယ့ၣ်ၡူး ကဘၣ်ဂဲၤဆၢထၢၣ်က့ၤလၢတၢ်သံန့ၣ်, အဝဲသ့ၣ်တနၢ်ပၢၢ် ဒံးဝဲဘၣ်န့ၣ်လီၤ.)

မၤတၢ် 17:3

တဲနၢ်ပၢၢ်အဝဲသ့ၣ်လၢတၢ်ကွဲးအသးစီဆှံတဖၣ်, ဒီးဟ့ၣ်တၢ်အုၣ်အသးလၢခရံာ်ကဘၣ်တူၢ်တၢ်ဒီးဂဲၤဆၢထၢၣ် က့ၤလၢတၢ်သံအဂ့ၢ်န့ၣ်လီၤ. စီၤပီလူးစံးဝဲ, “ယ့ၣ်ၡူးလၢယဘိးဘၣ်သ့ၣ်ညါသုလၢအဂ့ၢ်တဂၤအံၤမ့ၢ် ခရံာ်န့ၣ်လီၤ.”

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,