လံာ်လူၤကၣ် 24:20 - Sgaw Karen Common Bible

²⁰ ပပှၤလုၢ်တၢ်အခိၣ်အဒိၣ်ဒီးပှၤခိၣ်ပှၤနၢ်တဖၣ်ဟ့ၣ်လီၤကွံာ်အီၤဒ်သိး အကဘၣ်တၢ်စံၣ်ညီၣ်သံအီၤ, ဒီးအဝဲဒၣ်ဘၣ်တၢ်ပျၤထီအီၤလၢထူၣ်စုညါအလိၤန့ၣ်လီၤ.

လံာ်လူၤကၣ် 24:20 Iomraidhean Croise

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 27:20

ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ် တဖၣ်လွဲကညးန့ၢ်ပှၤဂီၢ်မုၢ်တဖၣ်လၢအကဃ့စီၤပံၤလး, ဒ်သိးအကပျၢ်န့ၢ်အဝဲသ့ၣ်လၢစီၤဘၤရးဘါဒီးမၤသံကွံာ် ယ့ၣ်ၡူးအဂီၢ်န့ၣ်လီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်လူၤကၣ် 22:66

ဖဲမုၢ်ဆ့ၣ်ဝါထီၣ်န့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်ပာ်ဖှိၣ်ထီၣ်အသးတပူၤဃီ, ဒီးယ့ၣ်ၡူးဘၣ်တၢ်ဟဲစိာ်ထီၣ်အီၤဆူအဝဲသ့ၣ်အကီၣ်ကးန့ၣ်လီၤ.

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.