လံာ်လူၤကၣ် 24:2 - Sgaw Karen Common Bible

² အဝဲသ့ၣ်ထံၣ်လၢလၢၢ်တဖျၢၣ်န့ၣ်ဘၣ်တၢ်တလ့ၣ်ကွံာ်အီၤလၢ ပှၤသွၣ်ခိၣ်အပူၤအခိၣ်ထိးလီၤ.

လံာ်လူၤကၣ် 24:2 Iomraidhean Croise

လံာ်မးသဲ 28:2

သတူၢ်ကလာ်, ဟီၣ်ခိၣ်ဟူးဝးဝဲဆူၣ်ဆူၣ်ကလဲာ်, အဂ့ၢ်မ့ၢ်လၢကစၢ်အကလူးတဂၤဟဲလီၤလၢမူခိၣ်, တလ့ၣ်ကွံာ်လၢၢ်လၢတၢ်သွၣ်ခိၣ်ပူၤအခိၣ်ထိးဒီးဆ့ၣ်နီၤဝဲလၢ အဖီခိၣ်အဃိလီၤ.

လံာ်လူၤကၣ် 24:1

ဖဲမုၢ်ခီၣ်ထံးအနံၤ, ဂီၤခီဂီၤဂီၤအဆၢကတီၢ်န့ၣ်, ပိာ်မုၣ်တဖၣ်လဲၤဆူပှၤသွၣ်ခိၣ်အပူၤ, စိာ်ဃုာ်ဒီးတၢ်နၢမူလၢ အဝဲသ့ၣ်အိၣ်ကတဲာ်ကတီၤပာ်ဝဲတဖၣ်န့ၣ်လီၤ.

လံာ်လူၤကၣ် 24:3

လၢတၢ်န့ၣ်အဃိအဝဲသ့ၣ်နုာ်လီၤကွၢ်ဝဲ, ဘၣ်ဆၣ်ဒီး, တထံၣ်န့ၢ်ကစၢ်ယ့ၣ်ၡူးအစိၣ်ဘၣ်.

လံာ်ယိၤဟၣ် 11:38

လၢတၢ်သူၣ်ဘၣ်ဒိသးဘၣ်ထံးအပူၤ, ယ့ၣ်ၡူးလဲၤဆူတၢ် သွၣ်ခိၣ်, လၢအမ့ၢ်လ့အပူၤလၢအခိၣ်ထိးဘၣ်တၢ်ကျၢၢ်ဘၢ အီၤလၢလၢၢ်န့ၣ်လီၤ.

လံာ်ယိၤဟၣ် 11:41

ပှၤသ့ၣ်တဖၣ်န့ၣ်သုးကွံာ်လၢၢ်န့ၣ်လီၤ. ယ့ၣ်ၡူးကွၢ်ထီၣ်တၢ်ဒီးစံးဝဲ, “ပၢ်ဧၢ, ယစံးဘျုးနၤလၢနဒိကနၣ်ယၤအဃိလီၤ.