လံာ်လူၤကၣ် 24:19 - Sgaw Karen Common Bible

¹⁹ အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်လူၤကၣ် 24:19 Iomraidhean Croise

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်လူၤကၣ် 24:18

အဝဲသ့ၣ်အကျါတဂၤလၢအမံၤမ့ၢ်စီၤကျ့အီးပၤန့ၣ်သံကွၢ်အီၤ, “နမ့ၢ်ပှၤသမှံၤဖဲဝ့ၢ်ယရူၤၡလ့ၣ်ထဲတဂၤဧိၤလၢအတသ့ၣ် ညါဘၣ်ဃးတၢ်လၢအမၤတ့ၢ်အသးဖဲအပူၤကွံာ်စှၤသီလၢဝ့ၢ် အဝဲန့ၣ်အပူၤ, လီၤဧါ.”

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 4:19

ပိာ်မုၣ်န့ၣ်စံးဝဲ, “ကစၢ်ဧၢ, ယထံၣ်လၢနမ့ၢ်ဝံတဂၤန့ၣ်လီၤ.

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.