လံာ်လူၤကၣ် 23:9 - Sgaw Karen Common Bible

⁹ လၢတၢ်န့ၣ်အဃိ, စီၤဟ့ၤရိာ်သံကွၢ်ယ့ၣ်ၡူးတၢ်သံကွၢ်အါထံၣ်, ဘၣ်ဆၣ်ယ့ၣ်ၡူးတစံးဆၢဝဲနီတဘီဘၣ်.

လံာ်လူၤကၣ် 23:9 Iomraidhean Croise

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

လံာ်ယၡါယၤ 53:7

အဝဲဘၣ်တၢ်မၤအီၤနးနးကျံၤကျံၤလီၤ. ဘၣ်ဆၣ်ဒီးတူၢ်ဝဲလၢ တၢ်ဆီၣ်လီၤသးအပူၤကစုဒုလီၤ. တကတိၤတၢ်နီတဘီနီတစုဘၣ်. ဒ်သိဖိတဒုလၢအကဘၣ်တၢ်မၤသံအီၤအသိး, ဒ်သိတဒုလၢပှၤကတံာ်အဆူၣ်အသိး တကတိၤတၢ်နီတဘီနီတစုဘၣ်.

လံာ်မးသဲ 27:12

ဘၣ်ဆၣ်ဒီးယ့ၣ်ၡူးတကတိၤဆၢက့ၤပှၤလုၢ်တၢ်အခိၣ်အဒိၣ်တဖၣ်ဒီး ပှၤယူဒၤဖိကရၢအခိၣ်အနၢ်တဖၣ်အတၢ်ကတိၤဃုတုာ်တၢ်ကမၣ်ထီဒါ အီၤ, နီတဘီဘၣ်.

လံာ်မးသဲ 27:14

ဘၣ်ဆၣ်ဒီး, ယ့ၣ်ၡူးတစံးဆၢအီၤဘၣ်. ထဲတၢ်ကတိၤတဘီဒၣ်လဲာ်တတဲဝဲဘၣ်. တၢ်အံၤဒုးကမၢကမၣ်ပဒိၣ်ဖးဒိၣ်, ဒိၣ်ဒိၣ်အါအါလီၤ.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်မၢ်ကူး 15:5

ဘၣ်ဆၣ်ဒီးယ့ၣ်ၡူးတစံးဆၢလၢၤတၢ်နီတမံၤဘၣ်အဃိ, တၢ်လီၤကမၢကမၣ်ဘၣ်စီၤပံၤလးဒိၣ်မးလီၤ.

လံာ်လူၤကၣ် 13:32

ယ့ၣ်ၡူးစံးဆၢအဝဲသ့ၣ်, “လဲၤတဲဘၣ်ထွံၣ်ဟီၣ်ခိၣ်အဝဲန့ၣ်, ‘ယဟီထီၣ်ကွံာ်တၢ်နါတဖၣ်, ဒီးမၤဘျါတၢ်ဆူးတၢ်ဆါတဖၣ် မုၢ်မဆါတနံၤအံၤ, ဒီးခဲမုၢ်ဆ့ၣ်, ဒီးသၢနံၤတနံၤန့ၣ်, ယကမၤဝံၤယတၢ်ဖံးတၢ်မၤလီၤ.’

လံာ်လူၤကၣ် 23:10

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဟဲထီၣ်ဆူတၢ်မဲာ်ညါဒီးပာ်တၢ်ကမၣ်ထီဒါ ယ့ၣ်ၡူးဆူၣ်ဆူၣ်ကလဲာ်လီၤ.

လံာ်ယိၤဟၣ် 19:9

အဝဲက့ၤနုာ်ကဒါက့ၤဆူနီပူၤဝံၤသံကွၢ်ယ့ၣ်ၡူး “မ့ၢ်နဟဲလၢလဲၣ်.” ဘၣ်ဆၣ်ယ့ၣ်ၡူးတစံးဆၢအီၤဘၣ်.

မၤတၢ် 8:32

တၢ်ကွဲးအသးတတီၤလၢအဝဲဒၣ်ဖးဝဲန့ၣ်မ့ၢ်အအံၤ, “ဒ်သိတဒုလၢတၢ်မိၤထီၣ်အီၤလၢ တၢ်ကမၤသံအီၤအဂီၢ်အသိး, ဒ်သိဆံးဖိတဒုဖဲတၢ်တံာ်အဆူၣ်အကတီၢ်န့ၣ် တမၤသီၣ်ဘၣ်အကလုၢ်အသိး, အဝဲဒၣ်တအဲးထီၣ်အထးခိၣ်ဘၣ်.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.