လံာ်လူၤကၣ် 23:7 - Sgaw Karen Common Bible

⁷ ဖဲအဝဲဒၣ်သ့ၣ်ညါဘၣ်လၢယ့ၣ်ၡူးဟဲလၢတၢ်လီၢ်လၢအဘၣ် တၢ်ပၢအီၤလၢစီၤဟ့ၤရိာ်န့ၣ်, ဆှၢဝဲဆူစီၤဟ့ၤရိာ်လၢအအိၣ်စ့ၢ်ကီးဝဲဖဲ ဝ့ၢ်ယရူၤၡလ့ၣ်ဖဲဆၢကတီၢ်အဝဲန့ၣ်, န့ၣ်လီၤ.

လံာ်လူၤကၣ် 23:7 Iomraidhean Croise

လံာ်မးသဲ 14:1

အကတီၢ်ဖဲန့ၣ် ပှၤပၢကီၢ်ကၤလံၤလါစီၤဟ့ၤရိာ်နၢ်ဟူယ့ၣ်ၡူးအကစီၣ်

လံာ်မးသဲ 14:3

အဂ့ၢ်ဒ်အံၤ, စီၤဟ့ၤရိာ်ဖီၣ်ဃာ်တ့ၢ်စီၤယိၤဟၣ်ဒီးစၢဃာ်အီၤဒီးဒၢနုာ် တ့ၢ်အီၤလၢဃိာ်ပူၤ, မ့ၢ်လၢအဒီပုၢ်ဝဲၢ်စီၤဖံလံးပူးအမါနီၢ်ဟ့ၤရိၤဒံအဃိ လီၤ.

လံာ်မးသဲ 14:6

ဘၣ်ဆၣ်ဒီးလၢစီၤဟ့ၤရိာ်အတၢ်အိၣ်ဖျဲၣ်ဆၢက့ၤအနံၤအမူးန့ၣ်, နီၢ်ဟ့ၤရိၤဒံအဖိမုၣ်ဂဲၤကလံာ်လၢပှၤခဲလၢာ်အမဲာ်ညါဒီး စီၤဟ့ၤရိာ်ဘၣ်သူၣ်ဘၣ်သးဝဲဒိၣ်မး,

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်လူၤကၣ် 13:31

တကတီၢ်ဃီဖဲန့ၣ်, ပှၤဖၤရံၤၡဲတနီၤဟဲဆူယ့ၣ်ၡူးအအိၣ်ဒီးစံးဘၣ်အီၤ, “နကဘၣ်ဟးထီၣ်ကွံာ်နဲဖဲအံၤ ဒီးလဲၤဆူတၢ်လီၢ်တၢ်ကျဲအဂၤ တပူၤ, အဂ့ၢ်မ့ၢ်လၢစီၤပၤဟ့ၤရိာ်အဲၣ်ဒိးမၤသံနၤအဃိန့ၣ်လီၤ.”

လံာ်လူၤကၣ် 23:6

ဖဲစီၤပံၤလးနၢ်ဟူတၢ်အဝဲအံၤန့ၣ်အဝဲဒၣ်သံကွၢ်ဝဲ, “ပှၤတဂၤအံၤမ့ၢ်ပှၤကၤလံၤလါဖိတဂၤဧါ.”

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

လံာ်လူၤကၣ် 9:7

ကီၢ်ကၤလံၤလါအပဒိၣ်, စီၤဟ့ၤရိာ်နၢ်ဟူဘၣ်ဝဲဘၣ်ဃးဒီးတၢ်လၢအမၤအသးတဖၣ်ခဲလၢာ်လီၤ. အဝဲအတၢ်ဆိကမိၣ်ကဒံကဒါဝဲလၢအဂ့ၢ်လီၤ. အဂ့ၢ်ဒ်အံၤ, ပှၤတနီၤစံးဝဲလၢပှၤဘျၢတၢ်စီၤယိၤဟၣ်ဂဲၤဆၢထၢၣ်သမူထီၣ်က့ၤဝဲလံ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.