လံာ်လူၤကၣ် 23:56 - Sgaw Karen Common Bible

⁵⁶ အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်လူၤကၣ် 23:56 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်တၢ်ဟးထီၣ်ကွံာ် 31:14

သုဘၣ်ပာ်စီဆှံမုၢ်အိၣ်ဘှံးအနံၤလီၤ. အဂ့ၢ်ဒ်အံၤ, စီဆှံဝဲလီၤ. ပှၤတဂၤလၢ်လၢ်လၢအတပာ်စီဆှံအီၤ, ဒီးမၤတၢ်လၢမုၢ်တနံၤန့ၣ်, ကဘၣ်တၢ်မၤသံအီၤန့ၣ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်လူၤကၣ် 24:1

ဖဲမုၢ်ခီၣ်ထံးအနံၤ, ဂီၤခီဂီၤဂီၤအဆၢကတီၢ်န့ၣ်, ပိာ်မုၣ်တဖၣ်လဲၤဆူပှၤသွၣ်ခိၣ်အပူၤ, စိာ်ဃုာ်ဒီးတၢ်နၢမူလၢ အဝဲသ့ၣ်အိၣ်ကတဲာ်ကတီၤပာ်ဝဲတဖၣ်န့ၣ်လီၤ.

လံာ်သိၣ်လီၤသီလီၤတၢ် 5:14

ဘၣ်ဆၣ်ဒီးနွံသီတသီန့ၣ်, မ့ၢ်ဝဲတၢ်အိၣ်ဘှံးအမုၢ်တနံၤလၢတၢ် ကပာ်စီဆှံထီၣ်အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်, ပှၤတဘၣ်မၤတၢ်နီတဂၤဘၣ်. သုဝဲမ့ၢ်ဂ့ၤ, သုဖိသုလံၤတဖၣ်မ့ၢ်ဂ့ၤ, သုကုၢ်သုပှၤတဖၣ်မ့ၢ်ဂ့ၤ, သုဆၣ်ဖိကီၢ်ဖိတဖၣ်မ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်ဆိးလၢသုထံသုကီၢ်ပူၤမ့ၢ်ဂ့ၤ, တဘၣ်မၤတၢ်နီတဂၤဘၣ်. သုကုၢ်တဖၣ်ကဘၣ်အိၣ်ဘှံးဒၣ်ဒ်သုဝဲအသိးလီၤ.