လံာ်လူၤကၣ် 23:50 - Sgaw Karen Common Bible

^50-51 ပှၤအိၣ်ဝဲဒၣ်တဂၤလၢအမံၤမ့ၢ်စီၤယိၤသးလၢဝ့ၢ်အရံၤမၤသဲ ဘၣ်ဃးဒီးကီၢ်ယူဒၤန့ၣ်လီၤ. အဝဲဒၣ်မ့ၢ်ပှၤအဂ့ၤအဝါဒီးအတီ အလိၤတဂၤ, လၢအအိၣ်ခိးကွၢ်လၢ်ယွၤအဘီအမုၢ်အတၢ်ဟဲန့ၣ်လီၤ. အဝဲမ့ၢ်ကီၣ်ကးအကရၢဖိတဂၤသနာ်က့, တဘၣ်သူၣ်ဘၣ်သးလၢအဝဲသ့ၣ်အတၢ်အၢၣ်လီၤစံၣ်ညီၣ် ဒီးအတၢ်ဖံးတၢ်မၤတဖၣ်ဘၣ်လီၤ.

လံာ်လူၤကၣ် 23:50 Iomraidhean Croise

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 11:24

စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

မၤတၢ် 13:29

ဒီးအဝဲသ့ၣ်မၤတၢ်လၢတၢ်ကွဲးအသးစီဆှံစံးဝဲဘၣ်ဃးဒီး အီၤခဲလၢာ်ဝံၤအလီၢ်ခံန့ၣ်, အဝဲသ့ၣ်စိာ်လီၤကွံာ်အီၤလၢထူၣ်စုညါ အလိၤ, ဒီးဒၢနုာ်လီၤအီၤဆူတၢ်သွၣ်ခိၣ်အပူၤန့ၣ်လီၤ.