လံာ်လူၤကၣ် 23:5 - Sgaw Karen Common Bible

⁵ ဘၣ်ဆၣ်ဒီး, အဝဲသ့ၣ်စံးကဒီးဝဲဆူၣ်န့ၢ်အလီၢ်, “အဝဲဒၣ်မၤတၢထီၣ်တၢလီၤတၢ်လၢပှၤဂီၢ်မုၢ်တဖၣ်အကျါ လၢကီၢ်ယူဒၤဒီကီၢ်ညါခီဖျိအတၢ်သိၣ်လီၤသီလီၤတဖၣ်လီၤ. အဝဲဒၣ်စးထီၣ်မၤဝဲလၢကီၢ်ကၤလံၤလါ, ဒီးခဲအံၤဟဲတုၤဝဲဖဲအံၤလံ.”

လံာ်လူၤကၣ် 23:5 Iomraidhean Croise

စံးထီၣ်ပတြၢၤ 22:16

ပှၤအၢပှၤသီတဖုကဝီၤဃာ်ယၤ, ဖှိၣ်အသးဆူယအိၣ်ဒ်ထွံၣ်တဖၣ်အသိး, အ့ၣ်ဖှီယစုဒီးယခီၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

လံာ်မးသဲ 11:1

တုၤယ့ၣ်ၡူးမၤလိာ်အပျဲၢ်အဘီၣ်တဆံခံဂၤဝံၤဒီး, အဝဲဟးထီၣ်လၢတၢ်လီၢ်န့ၣ်ဒီးလဲၤဝဲဆူဝ့ၢ်လၢအအိၣ်ဘူး အိၣ်တံၢ်တဖၣ်ဒီးသိၣ်လီၤသီလီၤဒီးစံၣ်တဲၤတဲလီၤတၢ်လီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မၢ်ကူး 1:14

စီၤယိၤဟၣ်ဘၣ်တၢ်ဒၢနုာ်အီၤလၢဃိာ်ပူၤဝံၤအလီၢ်ခံ, ယ့ၣ်ၡူးဟဲဝဲဆူကီၢ်ကၤလံၤလါဒီးစံၣ်တဲၤတဲလီၤကစၢ်ယွၤ အတၢ်သးခုအကစီၣ်,

လံာ်လူၤကၣ် 11:53

ဖဲယ့ၣ်ၡူးဟးထီၣ်ကွံာ်လၢတၢ်လီၢ်အဝဲန့ၣ်ဒီး ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤဖၤရံၤၡဲတဖၣ်ကတိၤဒုၣ်ဒွဲၣ်အီၤဆါဆါကလဲာ်ဒီးသံကွၢ် အီၤလၢတၢ်သံကွၢ်တဖၣ်ဘၣ်ဃးဒီးတၢ်အါမံၤအါကလုာ်,

လံာ်လူၤကၣ် 23:23

ဘၣ်ဆၣ်ဒီးအဝဲသ့ၣ်ကိးပသူထီၣ်ဒံးဝဲလၢအကလုၢ်အဒိၣ်ကတၢၢ်, လၢယ့ၣ်ၡူးကဘၣ်တၢ်ပျၤထီအီၤလၢထူၣ်စုညါအလိၤအဂီၢ်န့ၣ်လီၤ. ဒီးလၢခံကတၢၢ်န့ၣ်အဝဲသ့ၣ်အကလုၢ်မၤနၢၤတၢ်ခဲလၢာ်လီၤ.

လံာ်လူၤကၣ် 23:6

ဖဲစီၤပံၤလးနၢ်ဟူတၢ်အဝဲအံၤန့ၣ်အဝဲဒၣ်သံကွၢ်ဝဲ, “ပှၤတဂၤအံၤမ့ၢ်ပှၤကၤလံၤလါဖိတဂၤဧါ.”

လံာ်ယိၤဟၣ် 1:43

မုၢ်ဆ့ၣ်ထီၣ်တနံၤယ့ၣ်ၡူးပာ်လီၤအသးလၢကလဲၤဆူ ကီၢ်ကၤလံၤလါန့ၣ်လီၤ. အဝဲထံၣ်န့ၢ်စီၤဖံလံးပူးဒီးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 19:15

အဝဲသ့ၣ်ကိးပသူထီၣ်ကဒါက့ၤ, “မၤသံအီၤ, မၤသံအီၤ, ပျၤထီအီၤလၢထူၣ်စုညါအလိၤတက့ၢ်.” စီၤပံၤလးသံကွၢ်အဝဲသ့ၣ်, “မ့ၢ်သုအဲၣ်ဒိးလၢယကပျၤထီ သုစီၤပၤလၢထူၣ်စုညါအလိၤန့ၣ်ဧါ.” ပှၤလုၢ်တၢ်အခိၣ်အဒိၣ်တဖၣ်စံးဆၢတၢ်ဒီးစံးဝဲ, “ပစီၤပၤအိၣ်ထဲတဂၤဧိၤလၢအမ့ၢ်ရိမ့ၤအစီၤပၤဖးဒိၣ်န့ၣ်လီၤ.”

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 7:41

အဂၤတနီၤစံးဝဲ, “အဝဲဒၣ်မ့ၢ်ခရံာ်န့ၣ်လီၤ.” ဘၣ်ဆၣ်ပှၤအဂၤတဖၣ်စံးဝဲ, “ခရံာ်တဟဲထီၣ်ဝဲဒၣ်လၢကီၢ် ကၤလံၤလါန့ၣ်ဘၣ်.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 10:37

သုသ့ၣ်ညါတၢ်ဂ့ၢ်အဒိၣ်အမုၢ်တမံၤလၢအမၤအသးသကုၤ ကီၢ်ယူဒၤဒီဘ့ၣ်ညါ, စးထီၣ်လၢကီၢ်ကၤလံၤလါ, ဖဲစီၤယိၤဟၣ်စံၣ်တဲၤတဲလီၤတ့ၢ်တၢ်ဒိးဘျၢအဂ့ၢ်ဝံၤအလီၢ်ခံန့ၣ်လီၤ.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

မၤတၢ် 5:33

တုၤကီၣ်ကးတဖုနၢ်ဟူတၢ်အံၤဒီး, အသးဒိၣ်ထီၣ်နးနးကလဲာ်တုၤဒၣ်လဲာ်အဲၣ်ဒိးမၤသံကွံာ်ပှၤတၢ် မၢဖိတဖၣ်န့ၣ်လီၤ.

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.

မၤတၢ် 7:57

အန့ၣ်ဒီးပှၤလၢအမ့ၢ်ကီၣ်ကးဖိတဖၣ်န့ၣ်ကိးပသူထီၣ်လၢ အကလုၢ်ဖးဒိၣ်ဒီးကးတံာ်ဃာ်အနၢ်လၢအစုဝံၤ, ဃ့ၢ်သဖှိဃီၤဝဲတဘျီဃီဆူအဝဲဒၣ်အအိၣ်,