လံာ်လူၤကၣ် 23:48 - Sgaw Karen Common Bible

⁴⁸ ဖဲပှၤဂီၢ်မုၢ်, လၢအပာ်ဖှိၣ်ထီၣ်အသးဖဲန့ၣ်ဒ်သိးအကကွၢ်တၢ်မၤအသး တဖၣ်, ထံၣ်ဘၣ်တၢ်လၢအမၤတ့ၢ်အသးန့ၣ်, အဝဲသ့ၣ်ကိးဂၤဒဲးဒဲလီၤအသးနါပှၢ်, လၢတၢ်သူၣ်အုးသးအုးအပူၤဒီးက့ၤက့ၤဝဲဆူဟံၣ်လီၤ.

လံာ်လူၤကၣ် 23:48 Iomraidhean Croise

လံာ်ယံးရမံယၤ 31:19

ပဃၣ်ကွံာ်တ့ၢ်ပသးလၢ နအိၣ်, ဘၣ်ဆၣ် တစိၢ်ဖိဝံၤဒီး ပအဲၣ်ဒိး ဟဲက့ၤကဒါက့ၤလီၤ. ဖဲနစံၣ်ညီၣ်ပှၤဝံၤအလီၢ်ခံန့ၣ်, ပဆုးလီၤပခိၣ်တဖၣ်လၢ တၢ်သးအုးအပူၤလီၤ. ပမဲာ်ဆှးဒီး တၢ်မၤမဲာ်ဆှးပှၤ, မ့ၢ်လၢပမၤတ့ၢ်တၢ်ဒဲးဘးဖဲ ပသးစၢ်ဒံးအခါ အဃိန့ၣ်လီၤ.’

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”

လံာ်လူၤကၣ် 8:52

ပှၤအိၣ်ဝဲဖဲန့ၣ်ကိးဂၤဒဲးဟီၣ်ဝဲယၢၤဝဲလၢဖိသၣ်မုၣ်အဃိလီၤ. ယ့ၣ်ၡူးစံးဝဲ, “တဘၣ်ဟီၣ်တဂ့ၤ. ဖိသၣ်မုၣ်န့ၣ်တသံဘၣ်, မ့ၢ်ဒၣ်အမံဘၣ်အသးလီၤ.”

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”