လံာ်လူၤကၣ် 23:4 - Sgaw Karen Common Bible

⁴ တုၤနုၤတစု, စီၤပံၤလးစံးဘၣ်ပှၤလုၢ်တၢ်အခိၣ်အဒိၣ် တဖၣ်ဒီးပှၤဂီၢ်မုၢ်တဖၣ်, “ယတထံၣ်န့ၢ်တၢ်ဂ့ၢ်လၢ ယကစံၣ်ညီၣ်ပှၤတဂၤအံၤနီတမံၤဘၣ်.”

လံာ်လူၤကၣ် 23:4 Iomraidhean Croise

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မၢ်ကူး 15:14

စီၤပံၤလးသံကွၢ်အဝဲသ့ၣ်, “ဘၣ်မနုၤလဲၣ်, အဝဲမၤတ့ၢ်တၢ်အၢမနုၤတမံၤန့ၣ်လဲၣ်.” ဘၣ်ဆၣ်အဝဲသ့ၣ်ကိးပသူထီၣ်နးန့ၢ်အလီၢ်တက့ၢ်, “ပျၤထီအီၤလၢထူၣ်စုညါအလိၤတက့ၢ်.”

လံာ်လူၤကၣ် 23:22

စီၤပံၤလးစံးဘၣ်ကဒီးအဝဲသ့ၣ်သၢဘျီတဘျီ, “မ့ၢ်အဝဲမၤကမၣ်ဘၣ်ထံကီၢ်အတၢ်သိၣ်တၢ်သီမနုၤတမံၤလဲၣ်. ယတထံၣ်န့ၢ်တၢ်ကမၣ်လၢအဝဲဒၣ်မၤတ့ၢ်ဝဲလၢအကြၢး ဒီးတၢ်သံန့ၣ်နီတမံၤဘၣ်. ယကမၢပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.”

လံာ်ယိၤဟၣ် 18:38

စီၤပံၤလးသံကွၢ်တၢ်ဒီးစံးဝဲ, “တၢ်မ့ၢ်တၢ်တီမ့ၢ်တၢ်မနုၤ လဲၣ်.” တုၤနုၤတစုစီၤပံၤလးဟးထီၣ်ကဒီးဆူတၢ်ချၢဆူပှၤယူဒၤဖိ တဖၣ်အအိၣ်ဒီးစံးဘၣ်အဝဲသ့ၣ်, “ယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ်အီၤအဂီၢ်နီတမံၤဘၣ်.

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.