လံာ်လူၤကၣ် 23:38 - Sgaw Karen Common Bible

³⁸ လၢအဝဲဒၣ်အခိၣ်ထးန့ၣ်, တၢ်ကတိၤ ‘အဝဲအံၤမ့ၢ်ပှၤယူဒၤဖိတဖၣ် အစီၤပၤ’ ဘၣ်တၢ်ကွဲးလီၤအီၤလီၤ.

လံာ်လူၤကၣ် 23:38 Iomraidhean Croise

လံာ်မးသဲ 2:2

“ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 27:11

ယ့ၣ်ၡူးအိၣ်ဆၢထၢၣ်လၢပှၤရိမ့ၤဖိအပဒိၣ်ဖးဒိၣ်အမဲာ်ညါ, ဒီးပဒိၣ်ဖးဒိၣ်သမံသမိးအီၤဒီးစံး, “နမ့ၢ်ပှၤယူဒၤဖိ အစီၤပၤဧါ.” ယ့ၣ်ၡူးစံးဆၢအီၤ, “နစံးတ့ၢ်လံနဲလံ.”

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

လံာ်မၢ်ကူး 15:18

အန့ၣ်ဝံၤအဝဲသ့ၣ်ကတိၤဒိၣ်အီၤဒ်အယူးယီၣ်ဘၣ်အီၤအသိးဒီး စံး, “ပှၤယူဒၤဖိအစီၤပၤဧၢ, ပဟ့ၣ်နၤတၢ်ယူးယီၣ်လီၤ.”

လံာ်မၢ်ကူး 15:26

ဒီးလံာ်ပာ်တၢ်ကမၣ်လၢအလိၤန့ၣ်ဘၣ်တၢ်ကွဲးဖျါထီၣ်အီၤလၢတၢ် ကတိၤလၢအစံးဝဲ, “ပှၤယူဒၤဖိအစီၤပၤ” န့ၣ်လီၤ.

လံာ်မၢ်ကူး 15:32

ခရံာ်လၢအမ့ၢ်အံၣ်စရ့လးအစီၤပၤတဂၤအံၤ, မ်အကဟဲက့ၤလီၤလၢထူၣ်စုညါအလိၤခဲအံၤဒ်သိး ပကထံၣ်ဘၣ်တၢ်မၤအသးဒီးနာ်အီၤကသ့အဂီၢ်န့ၣ်တက့ၢ်.” ဒီးပှၤခံဂၤလၢအဘၣ်တၢ်ပျၤထီအီၤတပူၤဃီဒီးယ့ၣ်ၡူးန့ၣ်, ကတိၤစံးအၢစံးသီစ့ၢ်ကီးအီၤလီၤ.

လံာ်လူၤကၣ် 23:3

စီၤပံၤလးသံကွၢ်အီၤ, “နမ့ၢ်နဲပှၤယူဒၤဖိအစီၤပၤတဂၤန့ၣ်ဧါ.” ယ့ၣ်ၡူးစံးဆၢဝဲ, “နစံးတ့ၢ်လံနဲလံ.”

လံာ်ယိၤဟၣ် 19:3

ဒီးဟဲဆူအအိၣ်ဒီးစံးဝဲ, “ပှၤယူဒၤဖိတဖၣ်အစီၤပၤဧၢ, မ်နအိၣ်ကၢအိၣ်ခိးတက့ၢ်” ဒီးအဝဲသ့ၣ်ဒဲအမဲာ်လီၤ.