လံာ်လူၤကၣ် 23:35 - Sgaw Karen Common Bible

³⁵ ပှၤဂီၢ်မုၢ်တဖၣ်အိၣ်ဆၢထၢၣ်ဝဲဖဲန့ၣ်ဒီးကွၢ်ကီတၢ်, ဖဲပှၤယူဒၤအခိၣ်အနၢ်တဖၣ်ကတိၤနံၤဘၣ်ဖၣ်လဲအီၤဒီးစံး, “အဝဲဒၣ်အုၣ်က့ၤခီၣ်က့ၤပှၤဂၤတဖၣ်လီၤ. အဝဲမ့မ့ၢ်ခရံာ်လၢကစၢ်ယွၤဃုထၢတ့ၢ်အီၤတဂၤဒီး, မ်အအုၣ်က့ၤခီၣ်က့ၤအသးဒၣ်ဝဲတက့ၢ်.”

လံာ်လူၤကၣ် 23:35 Iomraidhean Croise

စံးထီၣ်ပတြၢၤ 22:17

ယဃံယကွဲအိၣ်ဖျါကိးဘိဒဲး ယဒုၣ်ယဒါတဖၣ်ကွၢ်ယၤဒီးကွၢ်စူၣ်ယၤလီၤ.

စံးထီၣ်ပတြၢၤ 35:15

မ့မ့ၢ်ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်ဒီး အဝဲသ့ၣ်ခဲလၢာ်သးခုဝဲ, ပာ်ဖှိၣ်ထီၣ်အသးလၢကနံၤဘၣ်ဖၣ်လဲယၤအဂီၢ်, ဒီးပှၤလၢယတသ့ၣ်ညါအီၤတဖၣ်န့ၣ် ဖှီတဲာ်ယၤတကတၢၢ်နီတဘျီဘၣ်န့ၣ်လီၤ.

စံးထီၣ်ပတြၢၤ 4:2

သုဝဲ, ပှၤဂီၢ်မုၢ်ကမၤတရီတပါယၤဆံးယံာ်လဲၣ်. သုကအဲၣ်တၢ်ကလီကလီ, ဒီးလူၤဃုတၢ်တတီတလိၤန့ၣ်ဆံးယံာ်လဲၣ်. စ့လၤ

စံးထီၣ်ပတြၢၤ 69:26

အဂ့ၢ်ဒ်အံၤ, အဝဲသ့ၣ်မၤအၢမၤသီပှၤလၢ နသိၣ်ဃီၣ်တ့ၢ်အီၤတဖၣ်, အဝဲသ့ၣ်စံးကတိၤပှၤလၢနမၤဆါတ့ၢ်အီၤ အတၢ်နးတၢ်ဖှီၣ်အဂ့ၢ်လီၤ.

စံးထီၣ်ပတြၢၤ 71:11

ဒီးစံးဝဲ, “ကစၢ်ယွၤလဲၤသဒၣ်တ့ၢ်လံအီၤလံ, လူၤဒီးဖီၣ်န့ၢ်အီၤတက့ၢ်. အဂ့ၢ်ဒ်အံၤ, ပှၤကမၤပူၤဖျဲးအီၤတအိၣ်နီတဂၤဘၣ်.”

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်သးသယုၢ်တၢ် 3:14

ပှၤဂီၢ်မုၢ်နံၤဘၣ်ဖၣ်လဲယၤသ့တနံၤကျၢၤဒီးယမ့ၢ်တၢ်လီၤနံၤ လၢအဝဲသ့ၣ်ခဲလၢာ်အဂီၢ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်မးသဲ 12:18

“အအံၤမ့ၢ်ယခ့ယပှၤလၢယဃုထၢထီၣ်အီၤ, ပှၤတဂၤလၢယအဲၣ်, ဒီးဘၣ်ယသးလၢအီၤလီၤ. ယကဟ့ၣ်လီၤအီၤလၢယသး, ဒီးအဝဲကစံၣ်တဲၤတဲလီၤယတၢ်စံၣ်ညီၣ်ဆူ ပှၤကလုာ်တဖၣ်အအိၣ်လီၤ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

လံာ်လူၤကၣ် 23:39

ပှၤအၢဖိလၢအဘၣ်တၢ်ပျၤထီအီၤဖဲအဝဲအကပၤအကျါ တဂၤကတိၤဒုၣ်ဒွဲၣ်အီၤဒီးစံး, “နတမ့ၢ်ခရံာ်ဘၣ်ဧါ. အုၣ်က့ၤခီၣ်က့ၤလီၤနသးဒၣ်နဲဒီးပှၤတက့ၢ်.”

၁ ပ့းတရူး 2:4

ဟဲဆူကစၢ်အအိၣ်, လၢအမ့ၢ်လၢၢ်မူတဖျၢၣ်လၢအဘၣ်တၢ်ညိကွံာ်အီၤလၢပှၤကညီဒ်တၢ် အလုၢ်အပှ့ၤတအိၣ်ဘၣ်အသိး, ဘၣ်ဆၣ်ဘၣ်တၢ်ဃုထၢအီၤလၢကစၢ်ယွၤဒ်တၢ်လုၢ်ဒိၣ်ပှ့ၤဒိၣ် အသိးန့ၣ်တက့ၢ်.