လံာ်လူၤကၣ် 23:32 - Sgaw Karen Common Bible

³² အဝဲသ့ၣ်မိၤဃုာ်ပှၤအဂၤခံဂၤလၢအမ့ၢ်ပှၤမၤကမၣ်ထံကီၢ် အတၢ်သိၣ်တၢ်သီခံဂၤလၢာ်, ဒ်သိးအကဘၣ်တၢ်မၤသံဃုာ်ဒီးယ့ၣ်ၡူးန့ၣ်လီၤ.

လံာ်လူၤကၣ် 23:32 Iomraidhean Croise

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်မးသဲ 27:38

အဝဲသ့ၣ်ပျၤထီတမျာ်ခံဂၤဃုာ်ဒီးယ့ၣ်ၡူး, တဂၤလၢအစုထွဲ ဒီးတဂၤလၢအစုစ့ၣ်တကပၤလီၤ.

လံာ်မၢ်ကူး 15:27

အဝဲသ့ၣ်ပျၤထီစ့ၢ်ကီးတမျာ်ခံဂၤတပူၤဃီဒီးယ့ၣ်ၡူး, တဂၤလၢအစုထွဲဒီးတဂၤလၢအစုစ့ၣ်လီၤ.

လံာ်လူၤကၣ် 22:37

အဂ့ၢ်ဒ်အံၤ, ယစံးဘၣ်တဲဘၣ်သုတၢ်တမံၤအံၤ, တၢ်ကွဲးအသးလၢအစံးဝဲ, ‘အဝဲဘၣ်တၢ်ဂံၢ်ဃုာ်အီၤလၢပှၤလုၣ်သ့ၣ်ခါပတာ်ထံကီၢ် အတၢ်သိၣ်တၢ်သီတဖၣ်အသိးအကျါ,’ တတီၤန့ၣ်, ကဘၣ်ဟဲလၢထီၣ်ပှဲၤထီၣ်ဝဲလၢယၤလီၤ. အဂ့ၢ်ဒ်အံၤ, တၢ်လၢအဘၣ်တၢ်ကွဲးတ့ၢ်အီၤလၢယဂ့ၢ်န့ၣ် ဟဲလၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 23:31

အဂ့ၢ်ဒ်အံၤ, တၢ်မ့ၢ်မၤအသးလၢသ့ၣ်သံကစဲာ်အခါဒ်အံၤဒီး ဖဲသ့ၣ်ဃ့ထီအခါတၢ်ကမၤသးဒ်လဲၣ်.”

လံာ်ယိၤဟၣ် 19:18

ဒီးဖဲန့ၣ်, အဝဲသ့ၣ်ပျၤထီယ့ၣ်ၡူးလၢထူၣ်စုညါအလိၤ, ဒီးပျၤထီစ့ၢ်ကီးပှၤအဂၤခံဂၤလၢထူၣ်စုညါအလိၤဖဲယ့ၣ်ၡူး အကပၤတခီတဂၤ, ဒီးယ့ၣ်ၡူးအိၣ်ဝဲလၢပှၤခံဂၤန့ၣ်အဘၢၣ် စၢၤလီၤ.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.