လံာ်လူၤကၣ် 23:29 - Sgaw Karen Common Bible

²⁹ အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.

လံာ်လူၤကၣ် 23:29 Iomraidhean Croise

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်မးသဲ 24:19

လၢမုၢ်နံၤအဝဲန့ၣ်တဖၣ်အကတီၢ်န့ၣ်, တၢ်ကနးကဖှီၣ်ဝဲဒိၣ်မးလၢပိာ်မုၣ်တဖၣ်လၢအအိၣ်ဟုးအိၣ်သး, ဒီးမိၢ်လၢအအိၣ်ဒီးဖိဆံးအီနုၢ်ထံတဖၣ်အဂီၢ်န့ၣ်လီၤ.

လံာ်လူၤကၣ် 11:27

ဖဲယ့ၣ်ၡူးကတိၤတၢ်ကတိၤတထံၣ်အံၤဝံၤန့ၣ်, ပိာ်မုၣ်တဂၤကတိၤထီၣ်တၢ်လၢပှၤကမျၢၢ်အကျါဒီးစံးဘၣ်အီၤ, “ပိာ်မုၣ်လၢအဆံးစၢ်ထီၣ်နၤဒီးဒုးအီၣ်နုၢ်နၤတဂၤန့ၣ်, မ့ၢ်ပှၤလၢအဘၣ်ဆိၣ်ဂ့ၤလီၤ.

လံာ်လူၤကၣ် 23:28

ယ့ၣ်ၡူးဃၣ်ဃီၤအသးဆူအဝဲသ့ၣ်အအိၣ်ဒီးစံးဝဲ, “ယရူၤၡလ့ၣ်အဖိမုၣ်သ့ၣ်ဧၢ, ဟီၣ်လၢယဃိတဂ့ၤ. မ့မ့ၢ်ဟီၣ်လၢသုဃိဒၣ်သုဝဲဒီးလၢသုဖိသုလံၤတဖၣ် အဃိန့ၣ်တက့ၢ်.