လံာ်လူၤကၣ် 23:25 - Sgaw Karen Common Bible

²⁵ အဝဲဒၣ်ပျဲလီၤကွံာ်ပှၤတဂၤလၢအဝဲသ့ၣ်အဲၣ်ဒိးဝဲ, ပှၤတဂၤလၢအဘၣ်တၢ်ဒၢနုာ်တ့ၢ်အီၤလၢဃိာ်ပူၤလၢ အမၤတၢထီၣ်တၢလီၤတၢ်ဒီးမၤသံတၢ်အဃိ, ဒီးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ, ဒ်သိးအကမၤအီၤဖဲအသးဒၣ်ဝဲန့ၣ်လီၤ.

လံာ်လူၤကၣ် 23:25 Iomraidhean Croise

လံာ်နီၢ်အ့ၤစတၢ် 3:11

စီၤပၤတဲဘၣ်အီၤ, “ပှၤဂီၢ်မုၢ်ဒီးအကျိၣ်အစ့န့ၣ်မ့ၢ်နတၢ်လီၤ. မၤဒ်အဂ့ၤလၢနမဲာ်အသိးန့ၣ်တက့ၢ်.”

လံာ်မးသဲ 27:26

တုၤနုၤတစု, စီၤပံၤလးပျၢ်ပူၤဖျဲးန့ၢ်အဝဲသ့ၣ်လၢစီၤဘၤရးဘါဒီးမၢပှၤဖျ့ ယ့ၣ်ၡူးဝံၤအလီၢ်ခံ, ဟ့ၣ်လီၤကွံာ်အီၤဒ်သိးအကဘၣ်တၢ်ပျၤထီအီၤလၢထူၣ်စုညါအလိၤ အဂီၢ်န့ၣ်လီၤ.

လံာ်မၢ်ကူး 15:15

စီၤပံၤလးသးအိၣ်လူၤဘၣ်ပှၤဂီၢ်မုၢ်အသးအဃိ, ပျၢ်ပူၤဖျဲးကွံာ်ဝဲစီၤဘၤရးဘါလၢအဝဲသ့ၣ်အဂီၢ်လီၤ. အန့ၣ်ဝံၤမၢပှၤဖျ့ယ့ၣ်ၡူးဆါဆါကလဲာ်, ဒီးဟ့ၣ်လီၤကွံာ်အီၤဆူပှၤသုးဖိတဖၣ်အစုပူၤလၢတၢ်ကပျၤ ထီအီၤလၢထူၣ်စုညါအလိၤအဂီၢ်န့ၣ်လီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်လူၤကၣ် 23:24

လၢတၢ်န့ၣ်အဃိ, စီၤပံၤလးစံၣ်ညီၣ်ယ့ၣ်ၡူးဒ်အဝဲသ့ၣ်ဃ့ဝဲအသိးန့ၣ်လီၤ.

လံာ်လူၤကၣ် 23:26

ဖဲအဝဲသ့ၣ်ဆှၢယ့ၣ်ၡူးဒီးလဲၤတၢ်အဖၢမုၢ်န့ၣ်, ဘၣ်သဂၢၢ်ဒီးပှၤတဂၤလၢအမံၤမ့ၢ်စီၤၡံမိၣ်ဘၣ်ဃးဒီးကီၢ်ကူၤရ့ၤန့, လၢအဟဲလၢခိဒီးဟဲနုာ်လီၤဆူဝ့ၢ်ပူၤန့ၣ်လီၤ. အဝဲသ့ၣ်ဖီၣ်အီၤ, ပာ်ထီၣ်ထူၣ်စုညါလၢအလိၤဒီးမၢအစိာ်ဝဲဒီးလဲၤတၢ်လၢ ယ့ၣ်ၡူးအလီၢ်ခံန့ၣ်လီၤ.

လံာ်လူၤကၣ် 23:5

ဘၣ်ဆၣ်ဒီး, အဝဲသ့ၣ်စံးကဒီးဝဲဆူၣ်န့ၢ်အလီၢ်, “အဝဲဒၣ်မၤတၢထီၣ်တၢလီၤတၢ်လၢပှၤဂီၢ်မုၢ်တဖၣ်အကျါ လၢကီၢ်ယူဒၤဒီကီၢ်ညါခီဖျိအတၢ်သိၣ်လီၤသီလီၤတဖၣ်လီၤ. အဝဲဒၣ်စးထီၣ်မၤဝဲလၢကီၢ်ကၤလံၤလါ, ဒီးခဲအံၤဟဲတုၤဝဲဖဲအံၤလံ.”

လံာ်ယိၤဟၣ် 18:40

အဝဲသ့ၣ်ကိးပသူထီၣ်ဒီးစံးဝဲ, “တမ့ၢ်ဘၣ်. တမ့ၢ် အဝဲဘၣ်. ပသးလီစီၤဘၤရးဘါန့ၣ်လီၤ.” (စီၤဘၤရးဘါမ့ၢ် တမျာ်တဂၤန့ၣ်လီၤ.)

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:13

ခဲအံၤ, အဝဲအံၤမ့ၢ်စီၤပၤလၢသုဃုထၢအီၤ, သုဃ့န့ၢ်အီၤ, ဒီးခဲအံၤယွၤဟ့ၣ်လီၤအီၤဆူသုအိၣ်လီၤ.