လံာ်လူၤကၣ် 23:23 - Sgaw Karen Common Bible

²³ ဘၣ်ဆၣ်ဒီးအဝဲသ့ၣ်ကိးပသူထီၣ်ဒံးဝဲလၢအကလုၢ်အဒိၣ်ကတၢၢ်, လၢယ့ၣ်ၡူးကဘၣ်တၢ်ပျၤထီအီၤလၢထူၣ်စုညါအလိၤအဂီၢ်န့ၣ်လီၤ. ဒီးလၢခံကတၢၢ်န့ၣ်အဝဲသ့ၣ်အကလုၢ်မၤနၢၤတၢ်ခဲလၢာ်လီၤ.

လံာ်လူၤကၣ် 23:23 Iomraidhean Croise

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်မၢ်ကူး 14:31

စီၤပ့းတရူးစံးဆၢက့ၤအီၤဆူၣ်ဆူၣ်ကလဲာ်, “ယမ့ၢ်ဘၣ်တၢ်မၤသံဃုာ်ဒီးနၤဒၣ်လဲာ်န့ၣ်, ယတသမၢနၤနီတစုဘၣ်.” ဒီးအပျဲၢ်အဘီၣ်အဂၤတဖၣ်စံးစ့ၢ်ကီးတၢ်တမံၤဃီဒ်သိးန့ၣ်ကိး ဂၤဒဲးလီၤ.

လံာ်လူၤကၣ် 23:22

စီၤပံၤလးစံးဘၣ်ကဒီးအဝဲသ့ၣ်သၢဘျီတဘျီ, “မ့ၢ်အဝဲမၤကမၣ်ဘၣ်ထံကီၢ်အတၢ်သိၣ်တၢ်သီမနုၤတမံၤလဲၣ်. ယတထံၣ်န့ၢ်တၢ်ကမၣ်လၢအဝဲဒၣ်မၤတ့ၢ်ဝဲလၢအကြၢး ဒီးတၢ်သံန့ၣ်နီတမံၤဘၣ်. ယကမၢပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.”

လံာ်လူၤကၣ် 23:24

လၢတၢ်န့ၣ်အဃိ, စီၤပံၤလးစံၣ်ညီၣ်ယ့ၣ်ၡူးဒ်အဝဲသ့ၣ်ဃ့ဝဲအသိးန့ၣ်လီၤ.

လံာ်လူၤကၣ် 23:5

ဘၣ်ဆၣ်ဒီး, အဝဲသ့ၣ်စံးကဒီးဝဲဆူၣ်န့ၢ်အလီၢ်, “အဝဲဒၣ်မၤတၢထီၣ်တၢလီၤတၢ်လၢပှၤဂီၢ်မုၢ်တဖၣ်အကျါ လၢကီၢ်ယူဒၤဒီကီၢ်ညါခီဖျိအတၢ်သိၣ်လီၤသီလီၤတဖၣ်လီၤ. အဝဲဒၣ်စးထီၣ်မၤဝဲလၢကီၢ်ကၤလံၤလါ, ဒီးခဲအံၤဟဲတုၤဝဲဖဲအံၤလံ.”