လံာ်လူၤကၣ် 23:16 - Sgaw Karen Common Bible

¹⁶ လၢတၢ်န့ၣ်အဃိ, ယကပျဲပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.

လံာ်လူၤကၣ် 23:16 Iomraidhean Croise

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်မးသဲ 27:26

တုၤနုၤတစု, စီၤပံၤလးပျၢ်ပူၤဖျဲးန့ၢ်အဝဲသ့ၣ်လၢစီၤဘၤရးဘါဒီးမၢပှၤဖျ့ ယ့ၣ်ၡူးဝံၤအလီၢ်ခံ, ဟ့ၣ်လီၤကွံာ်အီၤဒ်သိးအကဘၣ်တၢ်ပျၤထီအီၤလၢထူၣ်စုညါအလိၤ အဂီၢ်န့ၣ်လီၤ.

လံာ်မၢ်ကူး 15:15

စီၤပံၤလးသးအိၣ်လူၤဘၣ်ပှၤဂီၢ်မုၢ်အသးအဃိ, ပျၢ်ပူၤဖျဲးကွံာ်ဝဲစီၤဘၤရးဘါလၢအဝဲသ့ၣ်အဂီၢ်လီၤ. အန့ၣ်ဝံၤမၢပှၤဖျ့ယ့ၣ်ၡူးဆါဆါကလဲာ်, ဒီးဟ့ၣ်လီၤကွံာ်အီၤဆူပှၤသုးဖိတဖၣ်အစုပူၤလၢတၢ်ကပျၤ ထီအီၤလၢထူၣ်စုညါအလိၤအဂီၢ်န့ၣ်လီၤ.

လံာ်လူၤကၣ် 23:17

(ဖဲဘူၣ်လဲၤကပာ်အဆၢကတီၢ်တဘျီဘၣ်တဘျီန့ၣ်, စီၤပံၤလးဘၣ်ပျၢ်ထူၣ်ဖျဲးကွံာ်ပှၤဃိာ်ဖိတဂၤလၢအဝဲသ့ၣ် အဂီၢ်လီၤ.)

လံာ်လူၤကၣ် 23:22

စီၤပံၤလးစံးဘၣ်ကဒီးအဝဲသ့ၣ်သၢဘျီတဘျီ, “မ့ၢ်အဝဲမၤကမၣ်ဘၣ်ထံကီၢ်အတၢ်သိၣ်တၢ်သီမနုၤတမံၤလဲၣ်. ယတထံၣ်န့ၢ်တၢ်ကမၣ်လၢအဝဲဒၣ်မၤတ့ၢ်ဝဲလၢအကြၢး ဒီးတၢ်သံန့ၣ်နီတမံၤဘၣ်. ယကမၢပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.”

လံာ်လူၤကၣ် 6:37

“စံၣ်ညီၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်သုဘၣ်. စံၣ်ညီၣ်ဃၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်ဃၣ်သုဘၣ်. ပျၢ်ကွံာ်ပှၤဂၤအတၢ်ကမၣ်တက့ၢ်, ဒီးကစၢ်ယွၤကပျၢ်ကွံာ်သုတၢ်ကမၣ်လီၤ.

မၤတၢ် 16:37

ဘၣ်ဆၣ်ဒီးစီၤပီလူးစံးဘၣ်ပၢၤကီၢ်အခိၣ်အနၢ်တဖၣ်, “တၢ်တထံၣ်န့ၢ်တၢ်ကမၣ်လၢပပူၤနီတမံၤဘၣ်. ဘၣ်ဆၣ်ဒီးအဝဲသ့ၣ်တီၢ်ပှၤဖျ့ပှၤလၢကမျၢၢ်အမဲာ်ညါ, ပဝဲလၢအမ့ၢ်ရိမ့ၤအထံဖိကီၢ်ဖိတဖၣ်လီၤ. အန့ၣ်ဝံၤအလီၢ်ခံအဝဲသ့ၣ်တ့ၢ်နုာ်ပှၤလၢဃိာ်ပူၤလီၤ. မ့မ့ၢ်အခဲအံၤ, အဝဲသ့ၣ်ကဒုးဟးထီၣ်ကွံာ်ပှၤလၢတၢ်ခူသူၣ် အပူၤန့ၣ်ဧါ. တန့ၢ်ဘၣ်. ရိမ့ၤအစံၣ်ညီၣ်ကွီၢ်တဖၣ်အနီၢ်ကစၢ်ဒၣ်ဝဲကဘၣ်ဟဲဖဲအံၤ ဒီးဒုးဟးထီၣ်ပှၤလီၤ.”