လံာ်လူၤကၣ် 23:14 - Sgaw Karen Common Bible

¹⁴ ဒီးစံးဘၣ်အဝဲသ့ၣ်, “သုဟဲဆှၢပှၤတဂၤအံၤဆူယအိၣ်, ဒီးစံးလၢအဝဲဒၣ်ဆှၢကမၣ်ပှၤဂီၢ်မုၢ်တဖၣ်လီၤ. ခဲကနံၣ်အံၤ, ယသမံသမိးလံအီၤဖဲအံၤလၢသုမဲာ်ညါ, ဒီးယတထံၣ်တ့ၢ်ယဲ တၢ်ကမၣ်လၢသုပာ်လၢအလိၤတဖၣ်နီတမံၤဘၣ်.

လံာ်လူၤကၣ် 23:14 Iomraidhean Croise

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

မၤတၢ် 13:28

ဒီးအဝဲသ့ၣ်တထံၣ်န့ၢ်တၢ်ဂ့ၢ်တၢ်ကျိၤလၢအကစံၣ်ညီၣ် သံယ့ၣ်ၡူးအဂီၢ်နီတမံၤသနာ်က့, မၢဆူၣ်စီၤပံၤလးလၢအကစံၣ်ညီၣ်သံအီၤန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.