လံာ်လူၤကၣ် 23:10 - Sgaw Karen Common Bible

¹⁰ ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဟဲထီၣ်ဆူတၢ်မဲာ်ညါဒီးပာ်တၢ်ကမၣ်ထီဒါ ယ့ၣ်ၡူးဆူၣ်ဆူၣ်ကလဲာ်လီၤ.

လံာ်လူၤကၣ် 23:10 Iomraidhean Croise

လံာ်မးသဲ 27:12

ဘၣ်ဆၣ်ဒီးယ့ၣ်ၡူးတကတိၤဆၢက့ၤပှၤလုၢ်တၢ်အခိၣ်အဒိၣ်တဖၣ်ဒီး ပှၤယူဒၤဖိကရၢအခိၣ်အနၢ်တဖၣ်အတၢ်ကတိၤဃုတုာ်တၢ်ကမၣ်ထီဒါ အီၤ, နီတဘီဘၣ်.

လံာ်လူၤကၣ် 11:53

ဖဲယ့ၣ်ၡူးဟးထီၣ်ကွံာ်လၢတၢ်လီၢ်အဝဲန့ၣ်ဒီး ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤဖၤရံၤၡဲတဖၣ်ကတိၤဒုၣ်ဒွဲၣ်အီၤဆါဆါကလဲာ်ဒီးသံကွၢ် အီၤလၢတၢ်သံကွၢ်တဖၣ်ဘၣ်ဃးဒီးတၢ်အါမံၤအါကလုာ်,

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်လူၤကၣ် 23:5

ဘၣ်ဆၣ်ဒီး, အဝဲသ့ၣ်စံးကဒီးဝဲဆူၣ်န့ၢ်အလီၢ်, “အဝဲဒၣ်မၤတၢထီၣ်တၢလီၤတၢ်လၢပှၤဂီၢ်မုၢ်တဖၣ်အကျါ လၢကီၢ်ယူဒၤဒီကီၢ်ညါခီဖျိအတၢ်သိၣ်လီၤသီလီၤတဖၣ်လီၤ. အဝဲဒၣ်စးထီၣ်မၤဝဲလၢကီၢ်ကၤလံၤလါ, ဒီးခဲအံၤဟဲတုၤဝဲဖဲအံၤလံ.”

လံာ်လူၤကၣ် 23:9

လၢတၢ်န့ၣ်အဃိ, စီၤဟ့ၤရိာ်သံကွၢ်ယ့ၣ်ၡူးတၢ်သံကွၢ်အါထံၣ်, ဘၣ်ဆၣ်ယ့ၣ်ၡူးတစံးဆၢဝဲနီတဘီဘၣ်.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.