လံာ်လူၤကၣ် 22:66 - Sgaw Karen Common Bible

⁶⁶ ဖဲမုၢ်ဆ့ၣ်ဝါထီၣ်န့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်ပာ်ဖှိၣ်ထီၣ်အသးတပူၤဃီ, ဒီးယ့ၣ်ၡူးဘၣ်တၢ်ဟဲစိာ်ထီၣ်အီၤဆူအဝဲသ့ၣ်အကီၣ်ကးန့ၣ်လီၤ.

လံာ်လူၤကၣ် 22:66 Iomraidhean Croise

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

မၤတၢ် 22:5

ပှၤလုၢ်တၢ်အခိၣ်အဒိၣ်ကတၢၢ်ဒီးကီၣ်ကးဒီဖုညါန့ၣ်အုၣ် အသးသ့ဝဲလၢယကတိၤတၢ်မ့ၢ်တၢ်တီန့ၣ်လီၤ. ယဒိးန့ၢ်ဘၣ်အဝဲသ့ၣ်အတၢ်ပရၢလၢအကွဲးဝဲဆူပှၤ ယူဒၤဖိဒ်သိးဒီးအီၤလၢအအိၣ်ဖဲဝ့ၢ်ဒၤမ့ၤစ့းတဖၣ် အအိၣ်, သတးဒီးယလဲၤဖဲန့ၣ်ဒ်သိးယကဖီၣ်ပှၤပိာ် ယ့ၣ်ၡူးခရံာ်အကျဲတဖၣ်န့ၣ်, စၢဃာ်အီၤလၢပျံၤထးဒီးဟဲက့ၤကိးအီၤဆူဝ့ၢ်ယရူၤၡလ့ၣ် လၢတၢ်စံၣ်ညီၣ်အဂီၢ်န့ၣ်လီၤ.