လံာ်လူၤကၣ် 22:57 - Sgaw Karen Common Bible

⁵⁷ ဘၣ်ဆၣ်ဒီး, စီၤပ့းတရူးသမၢဝဲဒီးစံး, “ပိာ်မုၣ်ဧၢ, ယတသ့ၣ်ညါဒၣ်လဲာ်အီၤဘၣ်.”

လံာ်လူၤကၣ် 22:57 Iomraidhean Croise

လံာ်မးသဲ 10:33

ဘၣ်ဆၣ်ပှၤတဂၤလၢ်လၢ်လၢအသမၢယၤလၢပှၤကညီအမဲာ်ညါန့ၣ်, ယကသမၢစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်မးသဲ 26:70

ဘၣ်ဆၣ်ဒီး, အဝဲသမၢဝဲလၢအဝဲသ့ၣ်ခဲလၢာ်အမဲာ်ညါဒီးစံး, “မ့ၢ်နတဲ တၢ်မနုၤလဲၣ်န့ၣ်ယတသ့ၣ်ညါဘၣ်.”

လံာ်လူၤကၣ် 12:9

မ့မ့ၢ်, ပှၤတဂၤလၢ်လၢ်လၢအသမၢယၤလၢပှၤအါဂၤအမဲာ်ညါန့ၣ်, ပှၤကညီဖိခွါကသမၢစ့ၢ်ကီးအီၤလၢကစၢ်ယွၤအကလူးတဖၣ်အမဲာ် ညါလီၤ.

လံာ်လူၤကၣ် 22:56

ဖဲတၢ်ခ့တၢ်ပှၤပိာ်မုၣ်အကျါတဂၤထံၣ်အဝဲဒၣ်ဆ့ၣ်နီၤဖဲမ့ၣ်အူ အမဲာ်ညါန့ၣ်, အဝဲဒၣ်ကွၢ်ဃီၤအီၤလိၤလိၤဒီးစံးဝဲ, “ပှၤတဂၤအံၤစ့ၢ်ကီးပိာ်ယ့ၣ်ၡူးအခံလီၤ.”

လံာ်လူၤကၣ် 22:58

တစိၢ်ဖိအလီၢ်ခံန့ၣ်ပှၤပိာ်ခွါတဂၤပာ်သူၣ်ပာ်သးလၢအီၤဒီးစံး, “နမ့ၢ်အဝဲသ့ၣ်အကျါတဂၤစ့ၢ်ကီးလီၤ.” ဘၣ်ဆၣ်ဒီးစီၤပ့းတရူးစံးဆၢဝဲ, “ပှၤတဂၤဧၢ, ယတမ့ၢ်ဘၣ်.”

လံာ်ယိၤဟၣ် 18:25

စီၤပ့းတရူးအိၣ်ဆၢထၢၣ်ဒံးဖဲန့ၣ်ဒီးဆူးမ့ၣ်အူန့ၣ်လီၤ. အဃိ, ပှၤအဂၤတဖၣ်သံကွၢ်အီၤ, “နမ့ၢ်စ့ၢ်ကီးပှၤအဝဲန့ၣ် အပျဲၢ်အဘီၣ်တဂၤတမ့ၢ်ဘၣ်ဧါ.” ဘၣ်ဆၣ် စီၤပ့းတရူးသမၢတၢ်ဒီးစံးဝဲဒၣ်, “တမ့ၢ်ဘၣ်.”

လံာ်ယိၤဟၣ် 18:27

စီၤပ့းတရူးစံးကဒီးဝဲ, “တမ့ၢ်ဘၣ်.” ဒီးတဘျီဃီဆီဖါကီၢ်အိၣ်အိထီၣ်ဝဲဒၣ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.