လံာ်လူၤကၣ် 22:38 - Sgaw Karen Common Bible

³⁸ အပျဲၢ်အဘီၣ်တဖၣ်စံးဝဲ, “ကွၢ်လၢအံၤ, ကစၢ်ဧၢ, နးအိၣ်ဝဲဒၣ်ဖဲအံၤခံဘ့ၣ်လီၤ.” ဒီးအဝဲဒၣ်စံးဝဲ, “ဘၣ်လံ.”

လံာ်လူၤကၣ် 22:38 Iomraidhean Croise

လံာ်မးသဲ 26:51

ပှၤလၢအအိၣ်ဒီးယ့ၣ်ၡူး အကျါတဂၤ, ထုးထီၣ်အနးဒီးကျီပှၤလုၢ်တၢ်အခိၣ်အဒိၣ်ကတၢၢ် အကုၢ်အပှၤတဂၤ, ဘၣ်လၢအနၢ်ဒီးတဲာ်ကွံာ်ဝဲလီၤ.

လံာ်လူၤကၣ် 22:36

အဝဲသ့ၣ်စံးဆၢဝဲ, “တအိၣ်နီတမံၤဘၣ်.” “ဘၣ်ဆၣ်ဒီးခဲကနံၣ်အံၤ,” ယ့ၣ်ၡူးစံးဆၢဝဲ, “ပှၤတဂၤလၢ်လၢ်လၢအအိၣ်ဒီးစ့ထၢၣ်တဖျၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, မ်အကဟံးန့ၢ်အီၤတက့ၢ်. ဒီးပှၤတဂၤဂၤလၢအတအိၣ်ဒီးနးတဘ့ၣ်န့ၣ် မ်အကဆါကွံာ်အဆ့ကၤဖီခိၣ်ဒီးပှ့ၤန့ၢ်အီၤတက့ၢ်.

လံာ်လူၤကၣ် 22:49

ဖဲအပျဲၢ်အဘီၣ်လၢအအိၣ်ဒီးယ့ၣ်ၡူးတဖၣ်ထံၣ်တၢ်လၢအကမၤ အသးန့ၣ်အဝဲသ့ၣ်စံးဝဲ, “ကစၢ်ဧၢမ့ၢ်ပကဘၣ်ကျီလၢပနးတဖၣ်န့ၣ်ဧါ.”

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

၁ သ့းစၤလနံ 5:8

မ့မ့ၢ်, ပမ့ၢ်ပှၤတဖၣ်လၢအဘၣ်ဃးဒီးမုၢ်ဆါခီ ဒီးပဘၣ်မ့ၢ်ပှၤလၢအတမူၤတဘှီးဘၣ်တဖၣ်လီၤ. မ်ပသိးထီၣ်တၢ်နာ်ဒီးတၢ်အဲၣ်တၢ်ကွံအသဃိးဒီး ကုာ်ထီၣ်တၢ်မုၢ်လၢ်ဘၣ်ဃးတၢ်အုၣ်က့ၤခီၣ်က့ၤအခိၣ်ကုာ်သုး န့ၣ်တက့ၢ်.

၁ ပ့းတရူး 5:9

အိၣ်ဂၢၢ်ဆိးကျၢၤလၢသုတၢ်စူၢ်တၢ်နာ်အပူၤဒီးတြီအီၤ တက့ၢ်. အဂ့ၢ်ဒ်လဲၣ်န့ၣ်, သုသ့ၣ်ညါလၢသုဒီပုၢ်ဝဲၢ်ပှၤစူၢ်က့ၤနာ်က့ၤတၢ်သကိး သကိးဒီးသုတဖၣ်ဘၣ်လဲၤခီဖျိတၢ်နးတၢ်ဖှီၣ်တမံၤဃီ အံၤလၢဟီၣ်ခိၣ်ချၢလီၤ.