လံာ်လူၤကၣ် 22:30 - Sgaw Karen Common Bible

³⁰ သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လူၤကၣ် 22:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 5:3

“ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 14:15

ဖဲပှၤလၢအဆ့ၣ်နီၤဖဲစီၢ်နီၤခိၣ်အကျါတဂၤနၢ်ဟူတၢ်ကတိၤ အဝဲအံၤန့ၣ်, အဝဲဒၣ်စံးဘၣ်ယ့ၣ်ၡူး, “ပှၤလၢအကဆ့ၣ်နီၤအီၣ်တၢ် ဖဲစီၢ်နီၤခိၣ်လၢကစၢ်ယွၤအဘီအမုၢ်အပူၤတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်.”

၂ တံၤမသ့း 2:12

ပမ့ၢ်တဆိတ့ၢ်တူၢ်တၢ်ဘၣ်ဒီး, ပကပၢဃုာ်တၢ်ဒီးအီၤစ့ၢ်ကီးလီၤ. ပမ့ၢ်သမၢအီၤဒီး, အဝဲကသမၢပှၤစ့ၢ်ကီးလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.