လံာ်လူၤကၣ် 22:3 - Sgaw Karen Common Bible

³ အန့ၣ်ဝံၤအလီၢ်ခံ, မုၣ်ကီၤလံၢ်လဲၤနုာ်လီၤဆူစီၤယူဒၤ, လၢတၢ်ကိးအီၤလၢအံၣ်စကၤရံၤအိာ်လၢအမ့ၢ်ပှၤတၢ်မၢဖိ တဆံခံဂၤအကျါတဂၤန့ၣ်အပူၤလီၤ.

လံာ်လူၤကၣ် 22:3 Iomraidhean Croise

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်မးသဲ 10:4

ပှၤအဲၣ်အထံအကီၢ်စီၤၡံမိၣ်ဒီး စီၤယူဒၤအံၣ်စကၤရံၤအိာ်လၢ အဟ့ၣ်လီၤကွံာ်ယ့ၣ်ၡူးလီၤ.

လံာ်မးသဲ 26:23

ယ့ၣ်ၡူးစံးဆၢအဝဲသ့ၣ်, “ပှၤလၢအဘျၢလီၤအကိၣ်လၢလီခီတဘ့ၣ်ဃီဒီးယၤန့ၣ်, ကဆါလီၤကွံာ်ယၤလီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်လူၤကၣ် 22:21

ဘၣ်ဆၣ်ဒီးကွၢ်တက့ၢ်. ပှၤလၢအကဟ့ၣ်လီၤကွံာ်ယၤတဂၤန့ၣ်, အိၣ်ဒီးယၤလၢစီၢ်နီၤခိၣ်ဖဲအံၤလီၤ.

လံာ်လူၤကၣ် 6:16

စီၤယၤကိာ်အဖိခွါစီၤယူဒၤ, ဒီးစီၤယူဒၤအံၣ်စကၤရံၤအိာ် လၢအကဲထီၣ်ပှၤဆါလီၤကွံာ်ယ့ၣ်ၡူးတဂၤန့ၣ်လီၤ.

လံာ်ယိၤဟၣ် 12:6

စီၤယူဒၤအံၣ်စကၤရံၤအိာ်ကတိၤတၢ်အံၤတမ့ၢ်လၢအဝဲအသးအိၣ် ပှၤဖှီၣ်ဖိယာ်ဖိအဃိဘၣ်. မ့ၢ်လၢအဝဲမ့ၢ်တၢ်ဘျၣ်တဂၤအဃိလီၤ. အဂ့ၢ်ဒ်လဲၣ်န့ၣ်, အဝဲစိာ်စ့ထၢၣ်ဒီးဟုၣ်န့ၢ်စ့လၢစ့ထၢၣ်ပူၤန့ၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.