လံာ်လူၤကၣ် 22:27 - Sgaw Karen Common Bible

²⁷ မတၤဒိၣ်လဲၣ်. ပှၤတဂၤလၢအဆ့ၣ်နီၤအီၣ်တၢ်ဧါ. မ့တမ့ၢ်ပှၤတဂၤလၢအမၤတၢ်ခ့တၢ်ပှၤအတၢ်မၤလၢ ပှၤဆ့ၣ်နီၤအီၣ်တၢ်အဂီၢ်န့ၣ်လဲၣ်. သပှၢ်ကတၢၢ်, ပှၤလၢအဆ့ၣ်နီၤအီၣ်တၢ်န့ၣ်လီၤ. ဘၣ်ဆၣ်ဒီးယအိၣ်လၢသုသိးသုကျါ ဒ်ပှၤလၢအမၤတၢ်ခ့တၢ်ပှၤအတၢ်မၤတဂၤအသိးလီၤ.

လံာ်လူၤကၣ် 22:27 Iomraidhean Croise

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.