လံာ်လူၤကၣ် 22:19 - Sgaw Karen Common Bible

¹⁹ အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

လံာ်လူၤကၣ် 22:19 Iomraidhean Croise

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ယဃ့းစက့လး 5:5

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, ကွၢ်ဃီၤတၢ်ဆူဝ့ၢ်ယရူၤရှလ့ၣ်တက့ၢ်. ယပာ်အီၤလၢဟီၣ်ခိၣ်ဒီဘ့ၣ်အသးကံၢ်ပူၤ, အိၣ်ဒီးထံကီၢ်အဂၤတဖၣ်ဝးတရံးအီၤန့ၣ်လီၤ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်မးသဲ 14:19

ဒီးမၢပှၤဂီၢ်မုၢ်တဖၣ်ဆ့ၣ်နီၤလၢတပံၢ်အဖီခိၣ်လီၤ. အဝဲဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်, ဝံၤကွၢ်ထီၣ်တၢ်ဆူမူခိၣ်, ဒီးစံးထီၣ်ပတြၢၤယွၤလီၤ. အဝဲစိၢ်ဘျဲးဝဲကိၣ်တဖၣ်, ဒီးဟ့ၣ်လီၤဝဲအပျဲၢ်အဘီၣ်ဒီးအပျဲၢ်အဘီၣ်တဖၣ်ဟ့ၣ်ပှၤဂီၢ်မုၢ် တဖၣ်လီၤ.

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်လူၤကၣ် 22:17

အန့ၣ်ဝံၤဒီးယ့ၣ်ၡူးဟံးထီၣ်လီခီ, စံးဘျုးစံးဖှိၣ်ကစၢ်ယွၤဒီးစံးဝဲ, “ဟံးန့ၢ်တၢ်အဝဲအံၤ, ဒီးနီၤလီၤအီၤလၢသုသိးသုကျါန့ၣ်တက့ၢ်.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 10:4

ဒီးအီတၢ်ထံတခါဃီလၢအဘၣ်ဃးဒီးသးန့ၣ်လီၤ. အဝဲသ့ၣ်အီတၢ်လၢသးအလၢၢ်လၢအလဲၤဒီးအီၤတဖျၢၣ်န့ၣ် အပူၤ, ဒီးလၢၢ်န့ၣ် မ့ၢ်ခရံာ်အနီၢ်ကစၢ်ဒၣ်ဝဲလီၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

၁ သ့းစၤလနံ 5:18

လၢတၢ်မၤအသးခဲလၢာ်အပူၤန့ၣ်, စံးဘျုးစံးဖှိၣ်ကစၢ်ယွၤထီဘိ တက့ၢ်. အဝဲအံၤမ့ၢ်တၢ်လၢကစၢ်ယွၤအဲၣ်ဒိးဝဲလၢပှၤဘၣ်ထွဲဒီး ယ့ၣ်ၡူးခရံာ်တဖၣ်အအိၣ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).