လံာ်လူၤကၣ် 22:18 - Sgaw Karen Common Bible

¹⁸ အဂ့ၢ်ဒ်အံၤ, ယစံးဘၣ်တဲဘၣ်သုလၢ, စးထီၣ်ခဲအံၤဒီးတုၤလီၤလၢယွၤ အဘီအမုၢ်ဟဲဝဲတစုန့ၣ်, ယတအီလၢၤဘၣ်စပံးထံအံၤဘၣ်.”

လံာ်လူၤကၣ် 22:18 Iomraidhean Croise

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်စကၤရယၤ 9:15

ယွၤသ့တၢ်လၢာ်ကစၢ်ကအိၣ်ပှိၤဒီဒၣ်အပှၤဂီၢ်မုၢ်, ဒီးအဝဲသ့ၣ်ကမၤဟးဂီၤကွံာ်အဒုၣ်အဒါတဖၣ်န့ၣ်လီၤ. အဝဲသ့ၣ်ကကိးပသူထီၣ်လၢတၢ်ဒုးအပူၤဒ်ပှၤအီမူၤသံးတဖၣ်အသိး, ဒီးကဒုးယွၤလီၤအဒုၣ်အဒါတဖၣ်အသွံၣ်လီၤ. အဒုၣ်အဒါတဖၣ်အသွံၣ်ကလီၤဂာ်ဒ်တၢ်လုၢ်တၢ်ပာ်တမံၤ အသွံၣ်လၢအဘၣ်တၢ်လူလီၤအီၤလၢသလၢတဖျၢၣ်အပူၤဆူတၢ်လုၢ် လီၢ်အဖီခိၣ်အသိးန့ၣ်လီၤ.

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 26:29

ယစံးဘၣ်တဲဘၣ်သု, တချုးဒံးဘၣ်လၢမုၢ်တနံၤဖဲယအီစပံးထံ အသီဒီးသုလၢယပၢ်အဘီအမုၢ်အပူၤန့ၣ်, ယတအီစပံးထံအံၤနီ တဘျီလၢၤဘၣ်.”

လံာ်မၢ်ကူး 14:23

အန့ၣ်ဝံၤအဝဲဒၣ်ဟံးန့ၢ်စပံးထံလီခီ, စံးထီၣ်ပတြၢၤကစၢ်ယွၤအဘျုး အဖှိၣ်ဝံၤဟ့ၣ်လီၤအဝဲသ့ၣ်, ဒီးအဝဲသ့ၣ်ကိးဂၤဒဲးအီဝဲစပံးထံလၢလီခီန့ၣ်အပူၤလီၤ.

လံာ်မၢ်ကူး 14:25

ယစံးဘၣ်သုသပှၢ်ကတၢၢ်လီၤ. တချုးဒံးဘၣ်လၢယအီစပံးထံအသီလၢကစၢ်ယွၤအဘီမုၢ်အပူၤန့ၣ်, ယတအီလၢၤဘၣ်စပံးထံဖဲအံၤနီတဘျီလၢၤဘၣ်.”

လံာ်မၢ်ကူး 15:23

ဖဲန့ၣ်အဝဲဘၣ်တၢ်ဟ့ၣ်အီအီၤလၢစပံးထံအိၣ်ကျဲၣ်ကျီဃုာ်ဒီး မူရၣ်, ဘၣ်ဆၣ်ယ့ၣ်ၡူးတအီဝဲဘၣ်.

လံာ်မၢ်ကူး 9:1

ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”

လံာ်လူၤကၣ် 21:31

ဒ်န့ၣ်အသိး, ဖဲသုထံၣ်ဘၣ်တၢ်သ့ၣ်တဖၣ်အံၤမၤအသးန့ၣ်, သ့ၣ်ညါလၢကစၢ်ယွၤအဘီအမုၢ်ဘူးထီၣ်လံန့ၣ်တက့ၢ်.

လံာ်လူၤကၣ် 22:16

အဂ့ၢ်ဒ်အံၤ, ယစံးဘၣ်တဲဘၣ်သု, တချုးဘူၣ်လဲၤကပာ်အတၢ်အီၣ်အဝဲအံၤ ဘၣ်တၢ်ပာ်ဖျါထီၣ်အခီပညီလၢလၢပှဲၤပှဲၤလၢကစၢ်ယွၤအဘီအမုၢ် အပူၤဒံးဘၣ်န့ၣ်, ယတအီၣ်လၢၤအီၤနီတစုဘၣ်.”

လံာ်လူၤကၣ် 9:27

ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:13

ဘၣ်ဆၣ်ဒီးစပံးမုၢ်စံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ် ဆိကတီၢ်ယတၢ်ဟ့ၣ်ထီၣ်ယစပံးထံလၢ အဒုးသးခုယွၤတဖၣ်ဒီးပှၤကညီတဖၣ်န့ၣ်လီၤ.