လံာ်လူၤကၣ် 22:17 - Sgaw Karen Common Bible

¹⁷ အန့ၣ်ဝံၤဒီးယ့ၣ်ၡူးဟံးထီၣ်လီခီ, စံးဘျုးစံးဖှိၣ်ကစၢ်ယွၤဒီးစံးဝဲ, “ဟံးန့ၢ်တၢ်အဝဲအံၤ, ဒီးနီၤလီၤအီၤလၢသုသိးသုကျါန့ၣ်တက့ၢ်.

လံာ်လူၤကၣ် 22:17 Iomraidhean Croise

စံးထီၣ်ပတြၢၤ 116:13

ယကဟံးန့ၢ်တၢ်အုၣ်က့ၤခီၣ်က့ၤအလီခီ ဒီးကိးထီၣ်ယွၤအမံၤလီၤ.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

လံာ်ယံးရမံယၤ 16:7

ပှၤတအီၣ်ဃုာ်တၢ်မ့ၢ်ဂ့ၤ, အီဃုာ်တၢ်မ့ၢ်ဂ့ၤနီတဂၤဒီးပှၤတဂၤ ဂၤလၢတၢ်မၤမုာ်ထီၣ်က့ၤအဂီၢ်ဖဲပှၤလၢအအဲၣ်ဝဲတဂၤသံန့ၣ်ဘၣ်. လၢပှၤတဂၤလၢအပၢ်သံအဃိမ့ၢ်ဂ့ၤ, အမိၢ်သံအဃိမ့ၢ်ဂ့ၤအဂီၢ်ဒၣ် လဲာ်, ပှၤတဒုးနဲၣ်အတၢ်သူၣ်ဘၣ်ဒိသးဘၣ်ထံးနီတဂၤဘၣ်.

လံာ်မးသဲ 14:19

ဒီးမၢပှၤဂီၢ်မုၢ်တဖၣ်ဆ့ၣ်နီၤလၢတပံၢ်အဖီခိၣ်လီၤ. အဝဲဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်, ဝံၤကွၢ်ထီၣ်တၢ်ဆူမူခိၣ်, ဒီးစံးထီၣ်ပတြၢၤယွၤလီၤ. အဝဲစိၢ်ဘျဲးဝဲကိၣ်တဖၣ်, ဒီးဟ့ၣ်လီၤဝဲအပျဲၢ်အဘီၣ်ဒီးအပျဲၢ်အဘီၣ်တဖၣ်ဟ့ၣ်ပှၤဂီၢ်မုၢ် တဖၣ်လီၤ.

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်မးသဲ 26:26

ဖဲအဝဲသ့ၣ်အီၣ်တၢ်အဖၢမုၢ်န့ၣ်, ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤယွၤအဘျုး, ဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်တဖၣ်ဒီးစံး, “ဟံးန့ၢ်ဒီးအီၣ်တက့ၢ်. တၢ်အံၤမ့ၢ်ယနီၢ်ခိလီၤ.”

လံာ်မၢ်ကူး 14:22

ဖဲအဝဲသ့ၣ်အီၣ်တၢ်အကတီၢ်န့ၣ်, ယ့ၣ်ၡူးဟံးန့ၢ်ကိၣ်, ဃ့ထုကဖၣ်ယွၤအိၣ်ဒီးတၢ်စံးထီၣ်ပတြၢၤယွၤ အဘျုးအဖှိၣ်, စိၢ်ဘျဲးကိၣ်န့ၣ်, ဒီးဟ့ၣ်လီၤဝဲအပျဲၢ်အဘီၣ်တဖၣ် ဒီးစံးဝဲဒၣ်, “ဟံးန့ၢ်ဒီးအီၣ်တက့ၢ်. အအံၤမ့ၢ်ယနီၢ်ခိလီၤ.”

လံာ်လူၤကၣ် 22:19

အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

လံာ်လူၤကၣ် 9:16

ယ့ၣ်ၡူးဟံးန့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ဒီးကွၢ်ထီၣ်တၢ်ဆူမူခိၣ်, စံးဘျုးကစၢ်ယွၤလၢအဃိ, စိၢ်ဘျဲးအီၤဒီးဟ့ၣ်လီၤအီၤလၢအပျဲၢ်အဘီၣ် တဖၣ်, ဒ်သိးအကဟ့ၣ်နီၤလီၤဝဲဆူပှၤဂီၢ်မုၢ်တဖၣ်အအိၣ်အဂီၢ်န့ၣ်လီၤ.

ရိမ့ၤ 14:6

ပှၤတဂၤဂ့ၤတဂၤဂ့ၤလၢအဆိကမိၣ်ပာ်ဒိၣ်မုၢ်နံၤတနံၤနံၤန့ၣ်မၤ ဝဲလၢတၢ်မၤလၤကပီၤကစၢ်အပူၤန့ၣ်လီၤ. ပှၤတဂၤဂ့ၤတဂၤဂ့ၤလၢအအီၣ်တၢ်တမံၤလၢ်လၢ်န့ၣ် မၤဝဲလၢတၢ်မၤလၤမၤကပီၤကစၢ်အပူၤ, မ့ၢ်လၢအဝဲစံးဘျုး ကစၢ်ယွၤလၢတၢ်အီၣ်အဂီၢ်အဃိလီၤ. မတၤတဂၤဂ့ၤတဂၤဂ့ၤလၢအတအီၣ်တၢ်အီၣ်တနီၤနီၤန့ၣ်မၤ ဝဲလၢတၢ်မၤလၤမၤကပီၤကစၢ်အပူၤ, ဒီးစံးထီၣ်ပတြၢၤကစၢ်ယွၤအဘျုးအဖှိၣ်လီၤ.

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,

လံာ်သိၣ်လီၤသီလီၤတၢ် 8:10

သုကအိၣ်ဒီးကယဲၢ်တၢ်လၢသုအဲၣ်ဒိးအီၣ်, ဒီးသုကစံးဘျုး ယွၤ, သုကစၢ်ယွၤလၢအဟ့ၣ်လီၤတ့ၢ်သုကီၢ်လၢအပှဲၤဒီးဟီၣ်ခိၣ်ညၣ်ထ့ၣ် အဂ့ၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”