လံာ်လူၤကၣ် 22:16 - Sgaw Karen Common Bible

¹⁶ အဂ့ၢ်ဒ်အံၤ, ယစံးဘၣ်တဲဘၣ်သု, တချုးဘူၣ်လဲၤကပာ်အတၢ်အီၣ်အဝဲအံၤ ဘၣ်တၢ်ပာ်ဖျါထီၣ်အခီပညီလၢလၢပှဲၤပှဲၤလၢကစၢ်ယွၤအဘီအမုၢ် အပူၤဒံးဘၣ်န့ၣ်, ယတအီၣ်လၢၤအီၤနီတစုဘၣ်.”

လံာ်လူၤကၣ် 22:16 Iomraidhean Croise

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 14:15

ဖဲပှၤလၢအဆ့ၣ်နီၤဖဲစီၢ်နီၤခိၣ်အကျါတဂၤနၢ်ဟူတၢ်ကတိၤ အဝဲအံၤန့ၣ်, အဝဲဒၣ်စံးဘၣ်ယ့ၣ်ၡူး, “ပှၤလၢအကဆ့ၣ်နီၤအီၣ်တၢ် ဖဲစီၢ်နီၤခိၣ်လၢကစၢ်ယွၤအဘီအမုၢ်အပူၤတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်.”

လံာ်လူၤကၣ် 22:15

အဝဲဒၣ်စံးဘၣ်အဝဲသ့ၣ်, “ယသးအိၣ်တ့ၢ်ယဲအဒိၣ်အအါလၢယကအီၣ်ဘၣ် ဘူၣ်လဲၤကပာ်အတၢ်အီၣ်တဘျီညါအံၤတပူၤဃီဒီးသု, တချုးယတူၢ်ဘၣ်တၢ်ဒံးဘၣ်န့ၣ်လီၤ.

လံာ်လူၤကၣ် 22:18

အဂ့ၢ်ဒ်အံၤ, ယစံးဘၣ်တဲဘၣ်သုလၢ, စးထီၣ်ခဲအံၤဒီးတုၤလီၤလၢယွၤ အဘီအမုၢ်ဟဲဝဲတစုန့ၣ်, ယတအီလၢၤဘၣ်စပံးထံအံၤဘၣ်.”

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”