လံာ်လူၤကၣ် 22:13 - Sgaw Karen Common Bible

¹³ အဝဲသ့ၣ်ဟးထီၣ်ဒီးထံၣ်တၢ်ခဲလၢာ်ခဲဆ့ဒ်ယ့ၣ်ၡူးစံးဘၣ်တ့ၢ်အီၤ အသိး, ဒီးကတဲာ်ကတီၤပာ်ဘူၣ်လဲၤကပာ်အတၢ်အီၣ်န့ၣ်လီၤ.

လံာ်လူၤကၣ် 22:13 Iomraidhean Croise

လံာ်လူၤကၣ် 19:32

အဝဲသ့ၣ်လဲၤဝဲဒီးထံၣ်န့ၢ်တၢ်ကိးမံၤဒဲး, ဒ်ယ့ၣ်ၡူးစံးဘၣ်တ့ၢ်အဝဲသ့ၣ်အသိးန့ၣ်လီၤ.

လံာ်လူၤကၣ် 21:33

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲလီၤ. ဘၣ်ဆၣ်ဒီး, ယကလုၢ်ကထါတဖၣ်တလဲၤပူၤကွံာ်ဝဲနီတစုဘၣ်.

လံာ်လူၤကၣ် 22:12

အဝဲဒၣ်ကဒုးနဲၣ်သုဒၢးဖးဒိၣ်လၢတၢ်ဖီခိၣ်တဒၢးအိၣ် ကတဲာ်ကတီၤပာ်အသးဂ့ၤဂ့ၤဘၣ်ဘၣ်ဒီးသုကဘၣ်ကတဲာ် ကတီၤတၢ်ခဲလၢာ်ခဲဆ့ဖဲန့ၣ်လီၤ.”

လံာ်လူၤကၣ် 22:14

ဖဲဆၢကတီၢ်နၣ်ရံၣ်တုၤဃီၤန့ၣ်, ယ့ၣ်ၡူးဟံးန့ၢ်အလီၢ်ဖဲစီၢ်နီၤခိၣ်, ဃုာ်ဒီးတၢ်မၢဖိတဖၣ်န့ၣ်လီၤ.

လံာ်ယိၤဟၣ် 11:40

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.