လံာ်လူၤကၣ် 21:4 - Sgaw Karen Common Bible

⁴ အဂ့ၢ်ဒ်အံၤ, ပှၤအဂၤတဖၣ်ဟ့ၣ်လီၤအတၢ်ဟ့ၣ်လၢ အတၢ်ထူးတၢ်တီၤအဘျဲၣ်အစဲၢ်အပူၤလီၤ. မ့မ့ၢ်အဝဲဒၣ်န့ၣ်, မ့ၢ်ဖှီၣ်ဝဲယာ်ဝဲထဲထဲအံၤသနာ်က့, ဟ့ၣ်လီၤတၢ်လၢအအိၣ်ဒီးအီၤခဲလၢာ်လၢအကလုၢ်အီၣ် အသးသမူအဂီၢ်လီၤ.”

လံာ်လူၤကၣ် 21:4 Iomraidhean Croise

လံာ်မၢ်ကူး 12:44

အဂ့ၢ်ဒ်လဲၣ်န့ၣ်, အဝဲသ့ၣ်တဖၣ်ဟ့ၣ်မၤဘူၣ်လီၤဒၣ်အတၢ်အိၣ်ဘျဲၣ် အိၣ်စဲၢ်လီၤ. မ့မ့ၢ်ပိာ်မုၣ်တဂၤအံၤ, လၢအတၢ်ဖှီၣ်တၢ်ယာ်အပူၤဒၢနုာ်လီၤဝဲကယဲၢ်တၢ်အိၣ်ဒီးအီၤန့ၣ် ခဲလၢာ်, တၢ်လၢကလုၢ်အီၣ်အသးသမူအဂီၢ်န့ၣ်လီၤ.”

လံာ်လူၤကၣ် 15:12

ဖိလၢအသးစၢ်တဂၤန့ၣ်စံးဘၣ်အပၢ်, ‘ပၢ်ဧၢ, ယတၢ်န့ၢ်သါလၢယကဘၣ်ဒိးန့ၢ်အီၤန့ၣ်ဟ့ၣ်လီၤယၤခဲကနံၣ်အံၤ တက့ၢ်.’ လၢတၢ်န့ၣ်အဃိအဝဲဒၣ်နီၤဖးလီၤတၢ်စုလီၢ်ခီၣ်ခိၣ်လၢဖိခံ ဂၤန့ၣ်အဂီၢ်လီၤ.

လံာ်လူၤကၣ် 21:3

အဝဲဒၣ်စံးဝဲ, “ယစံးဘၣ်တဲဘၣ်သုလၢမုၣ်ကမဲအဖှီၣ်အယာ် တဂၤအံၤဒၢနုာ်လီၤတၢ်အါန့ၢ်ဒံးပှၤအဂၤတဖၣ်လီၤ.

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.

မၤတၢ် 4:34

လၢပှၤစူၢ်က့ၤနာ်က့ၤတၢ်တဖၣ်အကျါပှၤအဖှီၣ်အယာ်တအိၣ်နီတဂၤဘၣ်. အဂ့ၢ်ဒ်အံၤ, ပှၤလၢအအိၣ်ဒီးစံာ်လီၢ်ပှဲၤလီၢ်ဒီးဟံၣ်ဃီန့ၣ်ဆါလီၤကွံာ်ဝဲ, ဒီးကျိၣ်စ့လၢအဒိးန့ၢ်ဘၣ်ဝဲန့ၣ်ဟဲစိာ်ဝဲ,

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.