လံာ်လူၤကၣ် 21:37 - Sgaw Karen Common Bible

³⁷ ဖဲမုၢ်နံၤမုၢ်သီတဖၣ်န့ၣ်, ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ် အပူၤဒီးဖဲအတုၤဃီၤဟါခီလီၤအဆၢကတီၢ်န့ၣ်, အဝဲဟးထီၣ်ဒ်သိးအကအိၣ်ဝဲဖဲကစၢၢ်သ့ၣ်စၤယံးအလိၤဖဲ မုၢ်နၤတၢ်ခံးအဆၢကတီၢ်န့ၣ်လီၤ.

လံာ်လူၤကၣ် 21:37 Iomraidhean Croise

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်မးသဲ 21:1

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်မးသဲ 21:17

ဒီးယ့ၣ်ၡူးဟးထီၣ်ကွံာ်လၢအဝဲသ့ၣ်အအိၣ်လၢဝ့ၢ်ပူၤ, ဒီးလဲၤဝဲဆူဝ့ၢ်ဘ့ၤသနံဒီးအိၣ်ဝဲဖဲန့ၣ်ဒီနၤညါလီၤ.

လံာ်မးသဲ 26:30

ဝံၤဒီးအဝဲသ့ၣ်သးဝံၣ်ထါသးဝံၣ်တယုၢ်, ဒီးလဲၤထီၣ်ဝဲဆူကစၢၢ်သ့ၣ်စၤယံးအလိၤန့ၣ်လီၤ.

လံာ်မးသဲ 26:55

တုၤနုၤတစု, ယ့ၣ်ၡူးကတိၤတၢ်ဒီးပှၤဂီၢ်မုၢ်ဒီးစံး, “မ့ၢ်သုဘၣ်ဟဲစိာ်နးဒီးနီၣ်တီၢ်လၢ သုကဖီၣ်န့ၢ်ယၤအဂီၢ်, ဒ်ပှၤလၢအမၤကမၣ်တၢ်သိၣ်တၢ်သီတဂၤအသိးန့ၣ်ဧါ. ကိးနံၤဒဲးယဆ့ၣ်နီၤဒီးသိၣ်လီၤသီလီၤတၢ်လၢတၢ်လုၢ်ဟံၣ် အပူၤ, ဒီးသုတဖီၣ်ယၤမးလဲၣ်.

လံာ်မၢ်ကူး 11:12

လၢခံတနံၤဖဲအဝဲသ့ၣ်ဟဲက့ၤလၢသဝီဘ့ၤသနံန့ၣ်, တၢ်သၣ်ဝံၤယ့ၣ်ၡူးအသးလီၤ.

လံာ်မၢ်ကူး 11:19

တုၤမုၢ်ဟါလီၤဒီး, ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ဝဲဒၣ် လၢဝ့ၢ်ပူၤန့ၣ်လီၤ.

လံာ်မၢ်ကူး 14:49

တနံၤဘၣ်တနံၤယအိၣ်ယဲလၢသုသိးသုကျါလၢတၢ်လုၢ်ဟံၣ်ပူၤဒီး သိၣ်လီၤသီလီၤတၢ်, ဒီးသုတဖီၣ်ယၤဘၣ်. ဘၣ်ဆၣ်ဒီးတၢ်ကွဲးအသးစီဆှံကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 19:29

ဖဲအဝဲဒၣ်ဟဲဘူးထီၣ်လၢသဝီဘ့ၤသဖးက့ဒီးသဝီဘ့ၤသနံဖဲ ကစၢၢ်သ့ၣ်စၤယံးန့ၣ်, ဆှၢလီၤဆိအပျဲၢ်အဘီၣ်ခံဂၤလၢအမဲာ်ညါလီၤ.

လံာ်လူၤကၣ် 19:37

ဖဲအဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်ဖဲတၢ်လီၢ်တတီၤလၢ ကျဲလဲၤလီၤလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်ဂီၢ်မုၢ်ဂီၢ်ပၤ စံးဘျုးကစၢ်ယွၤဒီးစံးထီၣ်ပတြၢၤအီၤလၢအကလုၢ်ဖးဒိၣ်မ့ၢ်လၢတၢ် အဒိၣ်အမုၢ်လၢအဝဲသ့ၣ်ထံၣ်ဘၣ်တ့ၢ်ဝဲခဲလၢာ်တဖၣ်အဃိန့ၣ်လီၤ.

လံာ်လူၤကၣ် 19:47

ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ်အပူၤကိးနံၤဒဲးလီၤ. ပှၤလုၢ်တၢ်အခိၣ်အဒိၣ်တဖၣ်, ပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, ဒီးပှၤဂီၢ်မုၢ်အခိၣ်အနၢ်တဖၣ်သးအိၣ်မၤသံအီၤလီၤ.

လံာ်လူၤကၣ် 22:39

ယ့ၣ်ၡူးဟးထီၣ်လၢဝ့ၢ်ပူၤဒီးလဲၤဝဲဒ်အညီနုၢ်အသိးဆူကစၢၢ်သ့ၣ်စၤယံး, ဒီးအပျဲၢ်အဘီၣ်တဖၣ်လဲၤဃုာ်ဒီးအီၤလီၤ.

လံာ်ယိၤဟၣ် 12:1

ဘူၣ်လဲၤကပာ်တချုးဘၣ်ဃုသီန့ၣ်, ယ့ၣ်ၡူးလဲၤဆူသဝီဘ့ၤသနံဖဲ စီၤလါစရူးလၢအဝဲဒုးဂဲၤဆၢထၢၣ်သမူထီၣ်က့ၤတဂၤအိၣ်ဝဲ အလီၢ်န့ၣ်လီၤ.

လံာ်ယိၤဟၣ် 18:2

စီၤယူဒၤလၢအကဟ့ၣ်လီၤကွံာ်ယ့ၣ်ၡူးတဂၤန့ၣ်သ့ၣ်ညါတၢ်လီၢ် အဝဲအံၤ, မ့ၢ်လၢအါစုအါဘျီန့ၣ်ယ့ၣ်ၡူးထံၣ်လိာ်အသးဒီး အပျဲၢ်အဘီၣ်တဖၣ်ဖဲန့ၣ်အဃိလီၤ.

မၤတၢ် 1:12

အန့ၣ်ဒီးအပျဲၢ်အဘီၣ်တဖၣ်လၢအအိၣ်ဝဲလၢကစၢၢ်သ့ၣ်စၤယံး အဒီခိၣ်န့ၣ်, က့ၤကဒါက့ၤဝဲဆူဝ့ၢ်ယရူၤရှလ့ၣ်လၢအအိၣ်စီၤစုၤယံၤဝဲမံး လးတဝာ်န့ၣ်လီၤ.