လံာ်လူၤကၣ် 21:26 - Sgaw Karen Common Bible

²⁶ ပှၤဂီၢ်မုၢ်ကသံတ့ၢ်မးလၢတၢ်ပျံၤတၢ်ဖုးအဃိ, ဖဲအဝဲသ့ၣ်အိၣ်ခိးတၢ်လၢအကဟဲဘၣ်ဟီၣ်ခိၣ်ဒီဘ့ၣ်ညါန့ၣ်လီၤ. အဂ့ၢ်ဒ်အံၤ, တၢ်စိတၢ်ကမီၤလၢမူဖးဖီတဖၣ် ဘၣ်တၢ်နီၣ်ထီၣ်ကွံာ်အီၤလၢအကျိၤဒၣ်ဝဲအပူၤလီၤ.

လံာ်လူၤကၣ် 21:26 Iomraidhean Croise

လံာ်ယၡါယၤ 5:30

ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မၢ်ကူး 13:25

ဆၣ်အိၣ်လၢမူကပိာ်လိၤတဖၣ်ကလီၤတဲာ်ဒီးတၢ်အစိ အကမီၤအိၣ်လၢမူကပိာ်လိၤတဖၣ်ကဘၣ်တၢ်မၤဟူးဝး ဆှဲးဆှိးအီၤလီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.