လံာ်လူၤကၣ် 21:22 - Sgaw Karen Common Bible

²² အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်လူၤကၣ် 21:22 Iomraidhean Croise

လံာ်ယၡါယၤ 34:8

ခဲအံၤကမ့ၢ်တၢ်ဆၢကတီၢ်လၢယွၤကအုၣ်က့ၤခီၣ်က့ၤဝ့ၢ်စံယိၣ် ဒီးဟ့ၣ်ကၣ်အဒုၣ်အဒါတဖၣ်န့ၣ်လီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 1:22

တၢ်မၤအသးခဲလၢာ်အံၤမ့ၢ်ဒ်သိးတၢ်ကတိၤတဖၣ်လၢ ကစၢ်စံးတ့ၢ်ဝဲခီဖျိဝံတဂၤန့ၣ်, ကလၢထီၣ်ပှဲၤထီၣ်ဝဲအဂီၢ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်သိၣ်လီၤသီလီၤတၢ် 32:34

ယွၤသ့ၣ်နီၣ်ထီၣ်တၢ်လၢအဝဲသ့ၣ်အဒုၣ်အဒါတဖၣ် မၤတ့ၢ်ဝဲ, အဝဲအိၣ်ခိးတၢ်ဆၢဂ့ၤကတီၢ်ဘၣ်လၢကစံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:43

ပှၤကလုာ်တဖၣ်ဧၢ, သုကဘၣ်စံးထီၣ်ပတြၢၤယွၤအပှၤဂီၢ်မုၢ်, အဝဲစံၣ်ညီၣ်ကယဲၢ်ပှၤလၢအမၤသံအဝဲသ့ၣ်န့ၣ်လီၤ. အဝဲဟ့ၣ်ကၣ်တၢ်လၢအဒုၣ်အဒါတဖၣ်အလိၤ ဒီးပျၢ်ကွံာ်အဝဲအပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ.”

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.