လံာ်လူၤကၣ် 21:21 - Sgaw Karen Common Bible

²¹ တုၤနုၤတစုပှၤအိၣ်လၢကီၢ်ယူဒၤတဖၣ်ကဘၣ်ဃ့ၢ်ကွံာ်ဆူကစၢၢ်ခံ ကလိလိၤ, ပှၤအိၣ်လၢခူပူၤဝ့ၢ်ပူၤတဖၣ်ကဘၣ်ဟးထီၣ်ကွံာ်, ဒီးပှၤအိၣ်လၢဝ့ၢ်အချၢတဖၣ်တဘၣ်က့ၤနုာ်က့ၤဝဲဆူဝ့ၢ်ပူၤဘၣ်.

လံာ်လူၤကၣ် 21:21 Iomraidhean Croise

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 19:26

ဘၣ်ဆၣ်ဒီး, စီၤလိာ်အမါကွၢ်ကဒါက့ၤတၢ်ဆူအလီၢ်ခံ ဒီးကဲထီၣ်အံသၣ်ထူၣ်တထူၣ်န့ၣ်လီၤ.

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

လံာ်ယံးရမံယၤ 35:11

ဘၣ်ဆၣ်ဒီး, ဖဲစီၤပၤနဘူၤကးန့စၢ်ဟဲထီၣ်ဒုးထံကီၢ်အံၤန့ၣ်, ပစံၣ်ညီၣ်တဲာ်လၢပကဟဲဆူ ဝ့ၢ်ယရူၤၡလ့ၣ် ဒ်သိး ပကယံၤထီၣ်ကွံာ်ဒီး ကီၢ်ဘၤဘူၤလိၣ်ဒီး ကီၢ်စူၤရံ အသုးမုၢ်တဖၣ်အဂီၢ်န့ၣ်လီၤ. လၢတၢ်န့ၣ်အဃိ ပအိၣ်ပဆိးလၢဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်ယံးရမံယၤ 37:12

လၢတၢ်န့ၣ်အဃိ, ယဟးထီၣ်လၢ ဝ့ၢ်ယရူၤၡလ့ၣ် ဒီၤလဲၤဆူပှၤဘံၣ်ယၤမံၣ် အဒူၣ်အလီၢ်ကဝီၤအပူၤဒ် သိးယကဟံးန့ၢ်တၢ်နီၤဖး လၢယဂီၢ်လၢ ဒူၣ်ဖိထၢဖိ အစုလီၢ်ခီၣ်ခိၣ်အကျါန့ၣ်လီၤ.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 24:16

တုၤနုၤတစု, ပှၤအိၣ်လၢကီၢ်ယူဒၤအပူၤတဖၣ်, မ်အဃ့ၢ်ပူၤဖျဲးအသးဆူကစၢၢ်ကလိအကျါတက့ၢ်.

လံာ်မၢ်ကူး 13:15

ပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, တဘၣ်က့ၤနုာ်ဆူ အဟံၣ်ပူၤလၢကဟံးန့ၢ်တၢ်ဖိတၢ်လံၤတမံၤမံၤလၢကဃ့ၢ်စိာ်ဝဲလၢ အသိးအဂီၢ်န့ၣ်ဘၣ်.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.