လံာ်လူၤကၣ် 21:17 - Sgaw Karen Common Bible

¹⁷ ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.

လံာ်လူၤကၣ် 21:17 Iomraidhean Croise

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 24:9

တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်မၢ်ကူး 13:13

လၢယဃိပှၤခဲလၢာ်ကသးဟ့သုလီၤ. ဘၣ်ဆၣ်ဒီးပှၤတဂၤလၢ်လၢ်လၢအအိၣ်ဂၢၢ်ကျၢၤဝဲတုၤအကတၢၢ် တစုန့ၣ်, ယွၤကအုၣ်က့ၤခီၣ်က့ၤအီၤလီၤ.

လံာ်လူၤကၣ် 21:16

သုကဘၣ်တၢ်ဟ့ၣ်လီၤကွံာ်သုလၢသုမိၢ်သုပၢ်တဖၣ်, သုဒီပုၢ်ဝဲၢ်ခွါတဖၣ်, သုဘူးသုတံၢ်တဖၣ်, ဒီးသုတံၤသုသကိးတဖၣ်န့ၣ်လီၤ. သုဝဲတနီၤန့ၣ်အဝဲသ့ၣ်ကမၤသံဝဲလီၤ.

လံာ်လူၤကၣ် 21:18

ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 17:14

ယဟ့ၣ်လီၤအဝဲသ့ၣ်လၢနကလုၢ်ကထါဒီးဟီၣ်ခိၣ်သးဟ့ အဝဲသ့ၣ်, မ့ၢ်လၢအဝဲသ့ၣ်တဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဒီးဟီၣ်ခိၣ်အသိးန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

၂ ကရံၣ်သူး 12:10

ယသူၣ်မံယသးမံယဲလၢတၢ်ဂံၢ်စၢ်ဘါစၢ်တဖၣ်, တၢ်ကတိၤဒုၣ်ဒွဲၣ်ကတိၤတရီတပါတဖၣ်, တၢ်နးတၢ်ဖှီၣ် တဖၣ်, တၢ်မၤအၢမၤနးတဖၣ်ဒီးတၢ်ကီတၢ်ခဲတဖၣ်အပူၤလၢ ခရံာ်အဃိန့ၣ်လီၤ. အဂ့ၢ်ဒ်အံၤ, ဖဲယဂံၢ်စၢ်ဘါစၢ်န့ၣ်, မ့ၢ်ယဂံၢ်ဆူၣ်ဘါဆူၣ်လီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.