လံာ်လူၤကၣ် 21:16 - Sgaw Karen Common Bible

¹⁶ သုကဘၣ်တၢ်ဟ့ၣ်လီၤကွံာ်သုလၢသုမိၢ်သုပၢ်တဖၣ်, သုဒီပုၢ်ဝဲၢ်ခွါတဖၣ်, သုဘူးသုတံၢ်တဖၣ်, ဒီးသုတံၤသုသကိးတဖၣ်န့ၣ်လီၤ. သုဝဲတနီၤန့ၣ်အဝဲသ့ၣ်ကမၤသံဝဲလီၤ.

လံာ်လူၤကၣ် 21:16 Iomraidhean Croise

လံာ်ယံးရမံယၤ 12:6

နဒီပုၢ်ဝဲၢ်ခွါတဖၣ်ပှၤလၢအမ့ၢ်နဒူၣ်ဖိထၢဖိဒၣ်နဲ တဖၣ်ဒၣ်လဲာ်ဟ့ၣ်လီၤကွံာ်လံနၤလံ. အဝဲသ့ၣ်ပာ်ဖှိၣ်ထီၣ်အသးလၢတၢ် ထီဒါနၤအပူၤန့ၣ်လီၤ. အဝဲသ့ၣ်မ့ၢ်ကတိၤတၢ်ဃူတၢ်ဖိး, အတၢ်ကတိၤတဖၣ်ဒီး နၤဒၣ်လဲာ်, တဘၣ်နာ်အဝဲသ့ၣ်တဂ့ၤ.”

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်မးသဲ 10:21

ပှၤကဟ့ၣ်လီၤကွံာ်အဒီပုၢ်ဝဲၢ်ဒၣ်ဝဲဆူတၢ်သံ, ပၢ်တဖၣ်ကဟ့ၣ်လီၤကွံာ်အဖိတဖၣ်, ဖိတဖၣ်ကထီဒါက့ၤအမိၢ်အပၢ်တဖၣ်ဒီး ဟ့ၣ်လီၤကွံာ်အဝဲသ့ၣ်ဒ်သိးကဘၣ်တၢ်မၤသံအီၤအဂီၢ်လီၤ.

လံာ်မၢ်ကူး 13:12

ဒီပုၢ်ဝဲၢ်ကဒဲကဒဲကဟ့ၣ်လီၤကွံာ်အဒီပုၢ်ဝဲၢ်လၢတၢ်ကမၤသံ အီၤအဂီၢ်, ဒီးပၢ်တဖၣ်ကဟ့ၣ်လီၤကွံာ်အဖိတဖၣ်လၢတၢ် တမံၤဃီအဂီၢ်လီၤ. ဖိလံၤတဖၣ်ကဂဲၤဆၢထၢၣ်ထီဒါမိၢ်ပၢ် တဖၣ်ဒီးပျဲတၢ်မၤသံကွံာ်အဝဲသ့ၣ်လီၤ.

လံာ်လူၤကၣ် 12:53

ပၢ်သ့ၣ်တဖၣ်ကထီဒါအဖိခွါသ့ၣ်တဖၣ်, ဒီးဖိခွါသ့ၣ်တဖၣ်ကထီဒါအပၢ်သ့ၣ်တဖၣ်, မိၢ်သ့ၣ်တဖၣ်ကထီဒါအဖိမုၣ်သ့ၣ်တဖၣ်, ဒီးဖိမုၣ်သ့ၣ်တဖၣ်ကထီဒါအမိၢ်သ့ၣ်တဖၣ်, မံၤပှၢ်ပိာ်မုၣ်တဖၣ်ကထီဒါအဒဲၣ်တဖၣ်, ဒီးဒဲၣ်တဖၣ်ကထီဒါမံၤပှၢ်ပိာ်မုၣ်တဖၣ်လီၤ.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်လူၤကၣ် 21:17

ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.

မၤတၢ် 12:2

ခီဖျိအဝဲဟ့ၣ်လီၤအကလုၢ်န့ၣ်, စီၤယိၤဟၣ်အဒီပုၢ်ဝဲၢ်စီၤယၤကိာ်ဘၣ်တၢ်မၤသံကွံာ်အီၤလၢနး န့ၣ်လီၤ.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 6:9

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.