လံာ်လူၤကၣ် 21:12 - Sgaw Karen Common Bible

¹² ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

လံာ်လူၤကၣ် 21:12 Iomraidhean Croise

လံာ်မးသဲ 22:6

မ့မ့ၢ်, ပှၤအိၣ်လီၤတဲာ်အဂၤတဖၣ်န့ၣ်, ဟံးဃာ်စီၤပၤအံၤအခ့အပှၤလၢအလဲၤကိးအီၤတဖၣ်, မၤမဲာ်ဆှးအဝဲသ့ၣ်ခီဖျိအဒိအီၤ တီၢ်အီၤဒီးမၤသံကွံာ်အဝဲသ့ၣ်န့ၣ်လီၤ.

လံာ်မးသဲ 24:8

တၢ်တဖၣ်အံၤခဲလၢာ် မ့ၢ်ဒံးဒၣ်တၢ်လၢအလီၤဂာ်ဒီးပှၤဟုးဆါထီၣ်သီန့ၣ်လီၤ.

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

မၤတၢ် 22:30

ပှၤသုးဖိတကထိအခိၣ်တဂၤအံၤအဲၣ်ဒိးသ့ၣ်ညါလီၤတံၢ်တၢ် ကမၣ်လၢပှၤယူဒၤဖိတဖၣ်ပာ်လၢစီၤပီလူးအလိၤသတးဒီး, မုၢ်ဆ့ၣ်ထီၣ်တနံၤန့ၣ်အဝဲဒၣ်မၢပှၤဃ့ၣ်လီၤကွံာ်ပျံၤထး တဖၣ်လၢစီၤပီလူးအလိၤဒီးဟ့ၣ်လီၤအကလုၢ်လၢပှၤလုၢ်တၢ် အခိၣ်အဒိၣ်တဖၣ်ဒီးကီၣ်ကးဒီဖုကအိၣ်ဖှိၣ်လီၤ. အန့ၣ်ဝံၤဒီးအဝဲဒၣ်ကိးစီၤပီလူးဒီးဒုးဆၢထၢၣ်အီၤလၢ အဝဲသ့ၣ်အမဲာ်ညါလီၤ.

မၤတၢ် 5:40

အဝဲသ့ၣ်ကိးနုာ်ကဒါက့ၤပှၤတၢ်မၢဖိတဖၣ်န့ၣ်ဝံၤ, ဟ့ၣ်လီၤအကလုၢ်လၢတၢ်ကဖျ့အဝဲသ့ၣ်, ဒီးမၤလိာ်ပှၤတၢ်မၢဖိတဖၣ်ဒ်သိးအသုတစံးကတိၤတၢ်လၢယ့ၣ်ၡူး အမံၤနီတစုလၢၤတဂ့ၤန့ၣ်လီၤ. အန့ၣ်ဝံၤဒီးပျၢ်ထူၣ်ဖျဲးကွံာ် အဝဲသ့ၣ်န့ၣ်လီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

၁ ပ့းတရူး 2:13

လၢကစၢ်အဃိန့ၣ်, ပာ်လီၤသုသးလၢဟီၣ်ခိၣ်တၢ်စိတၢ် ကမီၤခဲလၢာ်, ဒီးစီၤပၤလၢအမ့ၢ်တၢ်စိတၢ်ကမီၤအဒိၣ်ကတၢၢ် အဖီလာ်,

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.