လံာ်လူၤကၣ် 21:10 - Sgaw Karen Common Bible

¹⁰ အဝဲဒၣ်ကတိၤကဒီးတၢ်ဒီးစံးဝဲ, ထံကီၢ်တဘ့ၣ်ဒီးတဘ့ၣ်ကဒုးလိာ် ယၤလိာ်အသး, တဘီမုၢ်ဒီးတဘီမုၢ်ကထီဒါလိာ်အသးလီၤ.

လံာ်လူၤကၣ် 21:10 Iomraidhean Croise

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်စကၤရယၤ 14:13

ဖဲအဆၢကတီၢ်အဝဲန့ၣ်န့ၣ်, ယွၤကမၤသဘံၣ်သဘုၣ်, ကဒံကဒါဒီးမၤပျံၤမၤဖုးအဝဲသ့ၣ်နးမးတုၤ ပှၤကိးဂၤဒဲးကဖီၣ်ဃာ်ပှၤလၢအဃၢၤအစု ဒီးထီဒါလိာ်အသးတဂၤဒီးတဂၤန့ၣ်လီၤ.

လံာ်မၢ်ကူး 13:8

ပှၤကလုာ်တဖၣ်ကဂဲၤဆၢထၢၣ်ထီဒါလိာ်အသး တကလုာ်ဒီး တကလုာ်, ဒီးထံကီၢ်ဘီမုၢ်တဖၣ်ကဒုးလိာ်အသးတဘီမုၢ်ဒီး တဘီမုၢ်လီၤ. ဟီၣ်ခိၣ်ကဟူးဝးဝဲလၢတၢ်လီၢ်သကုၤဆးဒး, ဒီးတၢ်သၣ်ဝံၤလီၤဒိတဖၣ်ကအိၣ်စ့ၢ်ကီးဝဲလီၤ. တၢ်တဖၣ်အံၤမ့ၢ်တၢ်နးတၢ်ဖှီၣ်အခီၣ်ထံးန့ၣ်လီၤ.

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

လံာ်လူၤကၣ် 21:9

ဖဲသုနၢ်ဟူဘၣ်တၢ်ဒုးတၢ်ယၤဒီးတၢ်ပူထီၣ်လီထီၣ်အကစီၣ်န့ၣ်, တဘၣ်ပျံၤတၢ်ဖုးတၢ်တဂ့ၤ, တၢ်သ့ၣ်တဖၣ်အံၤခဲလၢာ်ကဘၣ်မၤဆိ အသးလီၤ. ဘၣ်ဆၣ်ဒီးအဝဲန့ၣ်အခီပညီတမ့ၢ်လၢတၢ်အကတၢၢ် ဘူးထီၣ်လံန့ၣ်ဘၣ်.”

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

ဧ့ၤဘြံၤ 12:27

တၢ်ကတိၤလၢအစံးဝဲ, “ကဒီးတဘျီ,” လီၣ်ဖျါထီၣ်ဝဲဖျိဖျိဖျါဖျါလၢတၢ်ဘၣ်တ့တဖၣ်ကဘၣ်တၢ်မၤဟူး မၤဝးအီၤဒီးသုးကွံာ်အီၤဒ်သိးတၢ်လၢတၢ်မၤဟူးဝးအီၤ တသ့တဖၣ်ကအိၣ်တ့ၢ်ဝဲအဂီၢ်န့ၣ်လီၤ.