လံာ်လူၤကၣ် 21:1 - Sgaw Karen Common Bible

¹ ယ့ၣ်ၡူးကွၢ်တၢ်ဝးတရံးဒီးထံၣ်ဘၣ်ပှၤထူးပှၤတီၤတဖၣ်ဒၢနုာ်လီၤ အတၢ်ဟ့ၣ်တဖၣ်ဆူတၢ်လုၢ်ဟံၣ်အတၢ်ပာ်ဖှိၣ်ကျိၣ်စ့အလီၢ်န့ၣ်လီၤ.

လံာ်လူၤကၣ် 21:1 Iomraidhean Croise

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:9

အန့ၣ်ဝံၤဒီး, စီၤယဟိယဒါဟံးန့ၢ်တလါတဖျၢၣ်ဒီးမၤန့ၢ်တၢ် ပူၤဟိတပူၤလၢအခိၣ်ကၢၢ်ဒီးပာ်လီၤတလါန့ၣ်ဖဲတၢ်လုၢ်လီၢ်အ ဃၢၤ, လၢစုထွဲတကပၤဖဲပှၤလဲၤနုာ်လီၤဆူယွၤအတၢ်လုၢ်ဟံၣ်ပူၤန့ၣ် လီၤ. ပှၤလုၢ်တၢ်အခိၣ်တဖၣ်အိၣ်မူအိၣ်ဒါဖဲကျဲစၢၤထံးန့ၣ်, ဒၢနုာ်လီၤစ့လၢအဘၣ်တၢ်ဟ့ၣ်လီၤအီၤလၢပှၤဟဲဘူၣ်တၢ်ဘါတၢ် တဖၣ်ခဲလၢာ်ဆူတလါပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်စီၤနဃ့မယၤ 13:13

ယပာ်လီၤပှၤလၢလာ်တဖၣ်အံၤဒ်ပှၤကကွၢ်ထွဲတၢ်ပာ်ဖှိၣ်အဒၢးတဖၣ် န့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲပှၤလုၢ်တၢ်အခိၣ်စီၤၡလ့မယၤ, ပှၤတဂၤလၢအသ့ဝဲဘၣ်ဝဲလၢယူဒၤအတၢ်သိၣ်တၢ်သီစီၤစၤဒိး, ဒီးပှၤလ့ၤဝံဖိစီၤပဒါယၤန့ၣ်လီၤ. စီၤဃၤနၣ်လၢအမ့ၢ်စီၤစးကူၢ်အဖိခွါဒီးစီၤမးတၤနယၤအလံၤ ခွါမ့ၢ်ပှၤမၤစၢၤအဝဲသ့ၣ်န့ၣ်လီၤ. ယသ့ၣ်ညါလၢယနာ်န့ၢ်ပှၤတဖၣ်အံၤသ့လၢတၢ်ဟ့ၣ်နီၤလီၤတၢ်တဖၣ်ဆူ ပှၤမၤသကိးတၢ်ဒီးအဝဲသ့ၣ်ကဒဲကဒဲအဂီၢ်န့ၣ်လီၤ.

လံာ်မးသဲ 27:6

ပှၤလုၢ်တၢ်အခိၣ်အဒိၣ်တဖၣ်ထၢထီၣ်က့ၤစ့အဘ့ၣ်တဖၣ်ဒီးစံး, “စ့အံၤမ့ၢ်တၢ်သွံၣ်တၢ်စီၤအစ့အဃိ, ပကပာ်အီၤလၢတၢ်လုၢ်ဟံၣ်အတၢ်ပာ်ဖှိၣ်စ့အလီၢ်န့ၣ် ထီဒါပတၢ်သိၣ်တၢ်သီလီၤ.”

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

လံာ်ယိၤဟၣ် 8:20

ယ့ၣ်ၡူးစံးတၢ်တဖၣ်အံၤဖဲအသိၣ်လီၤသီလီၤတၢ်လၢ တၢ်လုၢ်ဟံၣ်ပူၤဖဲတၢ်ပာ်ဖှိၣ်စ့အလီၢ်ဒီးမ့ၢ်လၢအဆၢ ကတီၢ်နၣ်ရံၣ်တဘၣ်ဒံးဘၣ်အဃိ, ပှၤတဟဲဟံးဃာ်အီၤနီ တဂၤန့ၣ်ဘၣ်.

လံာ်စီၤယိၤၡူ 6:19

တၢ်ကိးမံၤဒဲးလၢအဘၣ်တၢ်မၤအီၤလၢစ့, ထူ, တိၢ်ဘီ, ဒီးထးန့ၣ်ကဘၣ်တၢ်ပာ်လီၤဆီအီၤလၢယွၤအဂီၢ်လီၤ. ကဘၣ်တၢ်ဒၢနုာ်အီၤလၢယွၤအတၢ်ပာ်ဖှိၣ်အလီၢ်န့ၣ်လီၤ.”

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.