လံာ်လူၤကၣ် 20:41 - Sgaw Karen Common Bible

⁴¹ ယ့ၣ်ၡူးစံးဘၣ်အဝဲသ့ၣ်, “တၢ်စံးဝဲလၢခရံာ်ကမ့ၢ်စီၤဒၤဝံးအစၢၤ အသွဲၣ်န့ၣ်, သ့ဝဲလၢကျဲဒ်လဲၣ်.

လံာ်လူၤကၣ် 20:41 Iomraidhean Croise

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်မးသဲ 9:27

တုၤယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူညါအခါန့ၣ်, ပှၤမဲာ်ဘျီၣ်ခံဂၤပိာ်ထီၣ်အခံဒီးကိးထီၣ်ဝဲလၢအကလုၢ်ဖးဒိၣ်, “စီၤဒၤဝံးအဖိခွါဧၢ, သူၣ်ကညီၤသးကညီၤပှၤတက့ၢ်.”

လံာ်ယိၤဟၣ် 7:42

တၢ်ကွဲးအသးစံးဝဲဒၣ်လၢခရံာ်ကမ့ၢ်ပှၤဟဲလီၤစၢၤလၢ စီၤပၤဒၤဝံးဒီးကအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ်, ဝ့ၢ်လၢစီၤပၤဒၤဝံးအိၣ်ဝဲန့ၣ်လီၤ.”

မၤတၢ် 2:30

ဒ်အဝဲမ့ၢ်တ့ၢ်ဝံတဂၤအသိး, အဝဲသ့ၣ်ညါတၢ်လၢကစၢ်ယွၤအၢၣ်လီၤတ့ၢ်အီၤလၢအကမၤဝဲလၢ အဂီၢ်န့ၣ်လီၤ. ကစၢ်ယွၤမၤတၢ်အၢၣ်လီၤအီလီၤဒီးအီၤလၢ အကဒုးကဲထီၣ်အစၢၤအသွဲၣ်တဂၤလၢစီၤပၤ, ဒ်အဝဲကဲဘၣ်ဝဲအသိးန့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”