လံာ်လူၤကၣ် 20:34 - Sgaw Karen Common Bible

³⁴ ယ့ၣ်ၡူးစံးဆၢအဝဲသ့ၣ်, “ပှၤပိာ်ခွါဒီးပှၤပိာ်မုၣ်ဖဲစိၤတစိၤအံၤ န့ၢ်မါန့ၢ်ဝၤလီၤ.

လံာ်လူၤကၣ် 20:34 Iomraidhean Croise

လံာ်မးသဲ 12:32

ပှၤတဂၤလၢ်လၢ်လၢအကတိၤထီဒါပှၤကညီဖိခွါန့ၣ်, ယွၤပျၢ်အတၢ်ကမၣ်သ့လီၤ. မ့မ့ၢ်ပှၤတဂၤလၢ်လၢ်လၢအကတိၤထီဒါကစၢ်ယွၤအသးစီဆှံန့ၣ်, အအံၤတဃၣ်မ့ၢ်ဂ့ၤ, ခဲကိာ်တဃၣ်မ့ၢ်ဂ့ၤ, ယွၤတပျၢ်အတၢ်ကမၣ်ဘၣ်.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်လူၤကၣ် 17:27

ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.

လံာ်လူၤကၣ် 20:33

မ့မ့ၢ်ဒ်န့ၣ်ဒီးဖဲတၢ်ဂဲၤဆၢထၢၣ်သမူထီၣ်က့ၤအနံၤန့ၣ်, ပိာ်မုၣ်တဂၤန့ၣ်ကမ့ၢ်ဒီပုၢ်ဝဲၢ်ခွါဖဲလဲၣ်တဂၤအမါလဲၣ်. အဝဲသ့ၣ်နွံဂၤလၢာ်န့ၢ်တ့ၢ်အမါလၢပိာ်မုၣ်တဂၤအံၤလီၤ.”

အ့းဖ့းစူး 5:31

ဒ်တၢ်ကွဲးအသးစံးဝဲအသိး, လၢတၢ်ဂ့ၢ်အံၤအဃိပိာ်ခွါကဟးဖးဒီးအမိၢ်အပၢ်ဒီးကပာ်ဖှိၣ် အသးဒီးအမါလီၤ. ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.