လံာ်လူၤကၣ် 20:24 - Sgaw Karen Common Bible

²⁴ “ဒုးနဲၣ်ယၤစ့အဘ့ၣ်တဘ့ၣ်န့ၣ်တက့ၢ်. လၢအမဲာ်သၣ်လိၤန့ၣ်မတၤအခိၣ်အဂီၤဒီးအမံၤအိၣ်လဲၣ်.” အဝဲသ့ၣ်စံးဆၢဝဲ, “ကဲစၢ်အခိၣ်အဂီၤဒီးအမံၤအိၣ်လီၤ.”

လံာ်လူၤကၣ် 20:24 Iomraidhean Croise

လံာ်မးသဲ 18:28

တုၤတၢ်အခ့အပှၤအဝဲန့ၣ်ဟးထီၣ်ကွံာ်, ဒီးထံၣ်န့ၢ်တၢ်အခ့အပှၤသကိးဒီးအီၤလၢအကမၢ်အိၣ်ဝဲဒီးအီၤ စ့ဒန့ၤရံတကယၤတဂၤဒီး, စှီၤဃာ်အကိာ်ဒီးစံးဘၣ်အီၤ, ‘နကမၢ်လၢအအိၣ်ဒီးယၤန့ၣ်လိးက့ၤတက့ၢ်.’

လံာ်မးသဲ 20:2

အဝဲအၢၣ်လီၤပှၤမၤတၢ်ဖိတဖၣ်လၢအကဟ့ၣ်အဝဲသ့ၣ်လၢစ့ညၣ်တဘ့ၣ်, ဒီးဆှၢလီၤအဝဲသ့ၣ်ဆူအစပံးလီၢ်န့ၣ်လီၤ.

လံာ်မးသဲ 22:20

ဒီးအဝဲဒၣ်သံကွၢ်အဝဲသ့ၣ်, “တၢ်အံၤမ့ၢ်မတၤအခိၣ်အဂီၤဒီးအမံၤလဲၣ်.”

လံာ်မၢ်ကူး 12:16

အဝဲသ့ၣ်ဟဲစိာ်စ့ဒန့ၤရံတဘ့ၣ်ဆူအအိၣ်, ဒီးအဝဲဒၣ်သံကွၢ် အဝဲသ့ၣ်, “တၢ်အံၤမ့ၢ်မတၤအခိၣ်အဂီၤဒီးအမံၤလဲၣ်.” အဝဲသ့ၣ်စံးဆၢက့ၤ, “မ့ၢ်ရိမ့ၤအစီၤပၤဖးဒိၣ်ကဲစၢ်အဂီၤဒီးအမံၤလီၤ.”

လံာ်လူၤကၣ် 2:1

ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.

လံာ်လူၤကၣ် 20:22

စံးဘၣ်တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤစီၤပၤဖးဒိၣ် အအိၣ်န့ၣ်ထီဒါပတၢ်သိၣ်တၢ်သီဧါ, တထီဒါလဲၣ်.”

လံာ်လူၤကၣ် 20:23

ဘၣ်ဆၣ်ဒီးယ့ၣ်ၡူးသ့ၣ်ညါအဝဲသ့ၣ်အတၢ်ကူၣ်တၢ်ဖး, ဒီးစံးဘၣ်အဝဲသ့ၣ်,

လံာ်လူၤကၣ် 20:25

မၤသးဒ်န့ၣ်ဒီးယ့ၣ်ၡူးစံးဝဲ, “မ့မ့ၢ်ဒ်န့ၣ်ဒီး, ဟ့ၣ်ကဲစၢ်လၢကဲစၢ်အတၢ်, ဒီးဟ့ၣ်ကစၢ်ယွၤလၢကစၢ်ယွၤအတၢ်တက့ၢ်.”

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

မၤတၢ် 26:32

ဒီးစီၤအကြံးပၤစံးဘၣ်စီၤဖ့စတူး, “ပှၤတဂၤအံၤ, မ့တမ့ၢ်လၢအပတံထီၣ်တ့ၢ်တၢ်ဒ်သိးစီၤပၤဖးဒိၣ်ကစံၣ်ညီၣ်န့ၢ် အတၢ်ဂ့ၢ်ဘၣ်ဒီး, တၢ်ပျၢ်ဖျဲးကွံာ်အီၤကသ့တ့ၢ်ဝဲလံလီၤ.”

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.