လံာ်လူၤကၣ် 20:22 - Sgaw Karen Common Bible

²² စံးဘၣ်တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤစီၤပၤဖးဒိၣ် အအိၣ်န့ၣ်ထီဒါပတၢ်သိၣ်တၢ်သီဧါ, တထီဒါလဲၣ်.”

လံာ်လူၤကၣ် 20:22 Iomraidhean Croise

လံာ်စီၤဧ့စြၤ 4:13

ကစၢ်စီၤပၤဖးဒိၣ်ဧၢ, ဝ့ၢ်အံၤမ့ၢ်ဘၣ်တၢ်သူၣ်ထီၣ်ကဒါက့ၤအီၤ, ဒီးအခိၣ်ဒူတဖၣ်မ့ၢ်ဝံၤန့ၣ်, ပှၤဂီၢ်မုၢ်ကဆိကတီၢ်ဟ့ၣ်တၢ်ခိ တၢ်သွဲတဖၣ်, ဒီးတၢ်ခိတၢ်သွဲတဖၣ်လၢအဘၣ်ဃးဒီးစီၤပၤကစှၤလီၤဝဲန့ၣ် လီၤ.

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

လံာ်စီၤနဃ့မယၤ 5:4

ဒီးပှၤအဂၤစံးဒံးဝဲ, “လၢပကဟ့ၣ်စီၤပၤအတၢ်ခိတၢ်သွဲလၢ ပစံာ်ပျီတဖၣ်ဒီးပစပံးလီၢ်တဖၣ်အဂီၢ်ပဘၣ်ဃ့လိၢ်ကျိၣ်စ့န့ၣ်လီၤ.

လံာ်စီၤနဃ့မယၤ 9:37

တၢ်လၢဟီၣ်ခိၣ်ဟ့ၣ်ထီၣ်ဝဲတဖၣ်န့ၣ်လဲၤဝဲဆူစီၤပၤတဖၣ် လၢနပာ်အီၤလၢပဖီခိၣ်အအိၣ်မ့ၢ်လၢပမၤတ့ၢ် တၢ်ဒဲးဘးအဃိန့ၣ်လီၤ. အဝဲသ့ၣ်မၤဘၣ်ပှၤဒီးပဆၣ်ဖိကီၢ်ဖိတဖၣ်ဒ်အသးဒၣ်ဝဲ ဒီးပအိၣ်လၢတၢ်ကိၢ်တၢ်ဂီၤယိာ်မးအပူၤန့ၣ်လီၤ.”

လံာ်မးသဲ 17:25

အဝဲစံးဆၢဝဲ, “မ့ၢ်.” ဒီးတုၤအက့ၤနုာ်ဆူဟံၣ်ပူၤဒီး, ယ့ၣ်ၡူးကတိၤတၢ်ဒီးအီၤလၢအဆိဒီးစံးဝဲ, “စီၤၡံမိၣ်ဧၢ, နဆိကမိၣ်ဒ်လဲၣ်. ဟီၣ်ခိၣ်စီၤပၤတဖၣ်န့ၣ်, ဟံးန့ၢ်တၢ်အခိအသွဲလၢမတၤတဖၣ်အအိၣ်လဲၣ်. လၢအထံဖိကီၢ်ဖိအအိၣ်ဧါ. မ့တမ့ၢ်ဘၣ်ဒီး, လၢပှၤထံဂၤကီၢ်ဂၤဖိအအိၣ်လဲၣ်.”

လံာ်လူၤကၣ် 20:21

ပှၤကွၢ်ဟုၣ်ကွၢ်စုာ်တၢ်တဖၣ်အံၤစံးဘၣ်ယ့ၣ်ၡူး, “သရၣ်ဧၢ, ပသ့ၣ်ညါလၢနတကွၢ်မဲာ်ပှၤကညီအလီၢ်အလၤဘၣ်. မ့မ့ၢ်နသိၣ်လိတၢ်မ့ၢ်တၢ်တီဘၣ်ဃးဒီးကစၢ်ယွၤ အတၢ်ဘၣ်အသးလၢပှၤကညီအဂီၢ်လီၤ.

လံာ်လူၤကၣ် 20:23

ဘၣ်ဆၣ်ဒီးယ့ၣ်ၡူးသ့ၣ်ညါအဝဲသ့ၣ်အတၢ်ကူၣ်တၢ်ဖး, ဒီးစံးဘၣ်အဝဲသ့ၣ်,

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

မၤတၢ် 5:37

အဝဲန့ၣ်အလီၢ်ခံ, ပှၤကီၢ်ကၤလံၤလါဖိစီၤယူဒၤဟဲပၢၢ်ထီၣ် ကဒီးဝဲဖဲတၢ်ဟံးန့ၢ်ထံဖိကီၢ်ဖိအနီၣ်ဂံၢ်စရီအကတီၢ်န့ၣ်လီၤ. အဝဲဒၣ်ထုးန့ၣ်ပှၤဂီၢ်မုၢ်အသးသတးဒီး, ပှၤအါဂၤပိာ်ထီၣ်အခံလီၤ. ဘၣ်ဆၣ်ဒီးတၢ်မၤသံကွံာ်အီၤစ့ၢ်ကီး, ဒီးပှၤပိာ်ထီၣ်အခံတဖၣ်လီၤပြံလီၤပြါကွံာ်ခဲလၢာ်လီၤ.

ရိမ့ၤ 13:7

မ့မ့ၢ်ဒ်န့ၣ်ဒီး, ဟ့ၣ်တၢ်လၢသုကဘၣ်ဟ့ၣ်အဝဲသ့ၣ်န့ၣ်တက့ၢ်. ကယဲၢ်တၢ်ခိတၢ်သွဲလၢအလီၤဘၣ်သုတမံၤလၢ်လၢ်န့ၣ်ဟ့ၣ် အီၤတက့ၢ်. ဒီးဒုးနဲၣ်တၢ်ယူးယီၣ်ဒီးတၢ်မၤလၤကပီၤလၢ အဝဲသ့ၣ်ခဲလၢာ်အဂီၢ်တက့ၢ်.

လံာ်သိၣ်လီၤသီလီၤတၢ် 17:15

မၤလီၤတံၢ်လၢပှၤတဂၤလၢသုကဃုထၢအီၤလၢစီၤပၤန့ၣ်, မ့ၢ်ပှၤတဂၤလၢယွၤဃုထၢအီၤန့ၣ်တက့ၢ်. အဝဲကဘၣ်မ့ၢ်ပှၤလၢသုပှၤဂီၢ်မုၢ်ဒၣ်ဝဲအကျါတဂၤန့ၣ်လီၤ. ဒုးကဲထီၣ်ပှၤတခီဘီမုၢ်ဖိတဂၤလၢသုစီၤပၤတဂ့ၤ.